पुणे : महाराष्ट्र बोर्डाचा बारावीचा निकाल (HSC Result 2025) कधी जाहीर होणार, याकडं विद्यार्थी आणि पालकांचं लक्ष लागलं होतं. विद्यार्थी आणि पालकांची प्रतीक्षा आज संपली आहे. आज बोर्डाकडून बारावीच्या निकाल जाहीर (12th Result) करण्यात आलेला आहे. आज 5 मे 2025 (सोमवारी) बारावीचा निकाल जाहीर करण्यात आला. आज अकरा वाजता महाराष्ट्र राज्य माध्यमिक आणि उच्च माध्यमिक शिक्षण मंडळाची पत्रकार परिषद पार पडली. या पत्रकार परिषदेत बोर्डाकडून निकाल जाहीर करण्यात आला आहे. पत्रकार परिषदेत महाराष्ट्र राज्य माध्यमिक आणि उच्च माध्यमिक शिक्षण मंडळाचे अध्यक्षांनी शरद गोसावी यांनी निकाल जाहीर केला. महाराष्ट्राचा 12 वीचा निकाल 91.88 टक्के लागला आहे. यात पुणे विभागाचा निकाल 91.32 टक्के निकाल लागला आहे. तर कोल्हापूरचा निकाल 93.64 टक्के लागला आहे.


महाराष्ट्र राज्य माध्यमिक व उच्च माध्यमिक शिक्षण मंडळाने निकाल जाहीर केला. राज्याचा बारावीच्या निकाल 91.88 टक्के निकाल लागला आहे. त्यात एकून नऊ विभाग आहेत. कोकण ,पुणे, कोल्हापूर, अमरावती ,छत्रपती संभाजीनगर ,नाशिक ,लातूर, नागपूर, मुंबई या नऊ विभागाचा निकाल जाहीर झाला आहे. ऑनलाईन पध्दतीने विद्यार्थ्यांना आज(सोमवारी) दुपारी एक वाजता ठरवून दिलेल्या संकेतस्थळावरती पाहता येईल. 


यंदा निकालाचा टक्का घसरला


फेब्रुवारी मार्च 2024 चा निकाल 93.37% होता 


फेब्रुवारी मार्च 2025 चा निकाल 91.88 टक्के आहे.


निकालाचा टक्का 1.49 ने यंदा कमी झाला आहे.


विभाग निहाय निकाल


पुणे - 91.32 


नागपूर  - 90.52 टक्के


संभाजी नगर  - 92.24 टक्के


मुंबई  - 92.93 टक्के


कोल्हापूर - 93.64 टक्के


अमरावती - 91.43 टक्के


नाशिक - 91. 31 टक्के


लातूर - 89.46 टक्के


कोकण - 96.74 टक्के


कोणत्या विभागाचा किती टक्के निकाल?


विज्ञान- 97.35 टक्के
कला- 80.52 टक्के
वाणिज्य- 92.68
व्यवसाय अभ्यासक्रम- 83.03 टक्के
आयटीआय- 82.03 टक्के


बारावी परीक्षेत राज्यात मुलींनी बाजी मारली आहे. सर्व विभागीय मंडळातून नियमित मुलींची उत्तीर्ण तिची टक्केवारी 94. 58% असून मुलांची उत्तीर्णतेची टक्केवारी 89.51 आहे. या परीक्षेसाठी एकूण 15,05,037 विद्यार्थ्यांनी नोंदणी केलेली होती. 8,10,348 मुले 6,94,652 मुली 37 ट्रान्सजेंडर एकूण 10550 कनिष्ठ महाविद्यालयांमधून या विद्यार्थ्यांची नोंदणी झालेली होती, तर या परीक्षेसाठी संपूर्ण राज्यात विद्याथ्यांसाठी 3373 मुख्य केंद्रांवर परीक्षा घेण्यात आली.


3373 केंद्रांपैकी 124 केंद्राची चौकशी होणार आहे. या केंद्रांवर गैरप्रकार आढळल्याने चौकशी होणार आहे. या चौकशी दरम्यान त्रुटी आढळल्यास 124 परीक्षा केंद्र बोर्ड कायमस्वरूपी बंद करणार असल्याची माहिती यावेळी पत्रकार परिषदेत महाराष्ट्र राज्य माध्यमिक आणि उच्च माध्यमिक शिक्षण मंडळाचे अध्यक्षांनी शरद गोसावी यांनी दिली आहे. 2027-28 मध्ये बारावीचा नवीन अभ्यासक्रम येणार अशी माहिती त्यांनी यावेळी दिली आहे. 124 केंद्रांची चौकशी करून कारवाई होणार असल्याची माहिती यावेळी त्यांनी दिली. तर पुणे 42, नागपूर 33, छत्रपती संभाजीनगर 214, मुंबई 9, कोल्हापूर 7, अमरावती 17, नाशिक 12, लातूर 37, एकूण 374 कॉपी प्रकार उघडकीस आले असल्याचंही यावेळी शरद गोसावी यांनी सांगितलं आहे.


खालील संकेतस्थळांवर विद्यार्थ्यांना निकाल पाहता येतील 


परीक्षेचा निकाल मंडळाच्या अधिकृत वेबसाइट mahahsscboard.in वर प्रसिद्ध केला जाईल. याशिवाय, विद्यार्थी इतर अधिकृत पोर्टलवर देखील त्यांचे निकाल तपासू शकतील. 
https://results.digilocker.gov.in
https://mahahsscboard.in
http://hscresult.mkcl.org
https://results.targetpublications.org
https://results.navneet.com


निकाल कसा तपासायचा


- सर्वप्रथम महाराष्ट्र बोर्डाच्या अधिकृत वेबसाइट mahresult.nic.in वर जा.
- होमपेजवरील HSC च्या लिंकवर क्लिक करा.
- तुमचा परिक्षा क्रमांक आणि इतर आवश्यक तपशील टाका आणि सबमिट बटणावर क्लिक करा.
- तुमचा निकाल स्क्रीनवर दिसेल. सेव्ह करा आणि प्रिंट करा


मंडळाच्या वेबसाईटशिवाय निकाल कुठं पाहावा?  


3. http://hscresult.mkcl.org
4. https://results.digilocker.gov.in
5. http://results.targetpublications.org


परीक्षा कधी झाल्या?


या वर्षी महाराष्ट्र बोर्डाची बारावीची परीक्षा 11 फेब्रुवारी ते 18 मार्च 2025 या कालावधीत झाली होती. तर दहावीची परीक्षा 21 फेब्रुवारी ते 17 मार्च 2025 या कालावधीत झाली. दोन्ही परीक्षा ऑफलाइन पद्धतीने घेण्यात आल्या आणि विद्यार्थ्यांची मोठी उपस्थिती दिसून आली.



Education Loan Information:

Calculate Education Loan EMI