एक्स्प्रेस वेवरील अवजड वाहनांची वाहतूक आज जवळपास 5-6 तासांसाठी थांबवण्यात आली होती. यामुळे वाहतूक कोंडी सोडवण्यासाठी फायदा झाला असल्याचा दावा पोलिसांनी केला आहे. अतिरिक्त महामार्ग पोलिस संचालक आर. के. पद्मनाभन यांनी एक्स्प्रेस वेला आज भेट दिली.
सुट्ट्यांच्या काळात आणि वीकेंडला एक्स्प्रेस वेवर मोठ्या प्रमाणात वाहतूक कोंडीचा सामना करावा लागतो. परिणामी अपघातासारख्या दुर्घटनाही वाहतूक कोंडीमुळे पाहायला मिळतात. यावर पोलिसांनी गोल्डन अवर्सची शक्कल लढवली आहे.