Pune Crime News : पुण्यातील 35 वर्षीय भाजप नेत्याने टोकाचं पाऊल उचललं आहे. भाजपचे युवा मोर्चाचे (Bharatiya Janata Yuva Morcha ) प्रदेश संपर्क प्रमुख सुनील धुमाळ (Sunil Dhumal) यांचा मृतदेह हडपसर (Pune, Hadapsar) जवळ रेल्वे पटरीवर दिसला. त्यानंतर पुण्यात खळबळ उडाली आहे. प्राथमिक माहितीनुसार, 35 वर्षीय सुनील धुमाळ यांनी रेल्वेखाली उडी घेत आत्महत्या केली. ही धक्कादायक घटना मंगळवारी उघडकीस आली. धुमाळ यांच्या आत्महत्येचं कारण आद्यप समजलं नाही. ज्याठिकाणी मृतदेह मिळाला तिथे कोणतीही सुसाईड नोट अथवा चिट्टी आढळून आलेली नाही. या प्रकरणी पुणे रेल्वे पोलीस ठाण्यात आकस्मिक मृत्यूची नोंद करण्यात आली आहे.
रेल्वे पोलीस ( Government Railway Police ) अधिकारी राजेंद्र गायकवाड यांनी सांगितले की, मंगळवारी सकळी आठ वाजण्याच्या सुमारास या घटनेसंदर्भात माहिती मिळाली. घटनास्थळावर जाऊन पाहणी केली. चौकशीनंतर मृत झालेल्या व्यक्तीचं नाव सुनील धुमाळ असल्यचं समजलं. चालत्या ट्रेनने धडक दिल्याने अनेक गंभीर दुखापत झाली. त्यामुळे हा मृत्यू झाल्याचं प्राथमिक माहितीमधून समजतेय. दरम्यान, सुनील धुमाळ यांच्या पश्चात त्यांचे आई, वडील, पत्नी आणि मुले असा परिवार आहे. याचा पुढील तपास हडपसर पोलीस आणि रेल्वे मार्ग पोलीस करत आहेत.
रिपोर्ट्सनुसार, हडपसर येथील साडेसतरानळी येथील रेल्वे रुळावर धुमाळ यांचा मृतदेह आढळला. याप्रकरणी लोहमार्ग पोलिसांनी अकस्मात मृत्यूचा गुन्हा दाखल केलाय. ही आत्महत्या आहे की अपघाती मृत्यू हे अद्याप अस्पष्ट असल्याचे लोहमार्ग पोलीसमधील एका वरिष्ठ अधिकाऱ्याने सागिंतलं.दरम्यान, धुमाळ यांच्या आकस्मिक मृत्यूमुळे पुण्याच्या राजकीय वर्तुळात खळबळ उडाली आहे. हडपसर परिसरामधील साडेसतरा नळी परिसरात धुमाळ राहायला होते.
अपघात की घातपात ?
पुणे जीआरपीचे पोलीस अधीक्षक तुषार दोशी म्हणाले प्रथमदर्शनी हा अपघात वाटत आहे., कुटुंबातील सदस्यांनी दिलेल्या माहितीनुसार आणि प्राथमिक तपासानुसार, सुनील धुमाळ यांनी सकाळी आपल्या मुलीला दुचाकीवरून शाळेत सोडले. परतत असताना आपली दुचाकी रेल्वे लाईनवरील एका फाटकाजवळ उभी केली. शेवटचे फोनवर बोलताना आणि रेल्वे लाईनच्या शेजारी चालताना दिसले. त्याच वेळी त्यांना रेल्वेचा धक्का लागला. या अपघातात त्यांचा जागीच मृत्यू झाला असेल, असे अधीक्षक दोषी यांनी सांगितले.