पुणे : मुंबई-पुणे द्रुतगती महामार्गावर इनोव्हा कारचा अपघात झाला आहे. चालकाचा ताबा सुटल्याने गाडी तीन झाडांना धडकली आणि नाल्यामध्ये कोसळली. या अपघातात एकाचा मृत्यू झाला, तर तिघे जण जखमी झाले आहेत. सांदीपान भगवान शिंदे असे अपघातातील मृताचं नाव आहे, तर सुभाष जगताप, किसन जठार, मुक्तराम तावरे असे तीन जखमींची नावं आहेत. जखमींना तात्काळ निगडी येथील वायसीएम हॉस्पिटलमध्ये उपचारासाठी दाखल करण्यात आले. दरम्यान, अपघातामुळे मुंबई-पुणे महामार्गावरील वाहतुकीस कोणतेही अडथळे निर्माण झाले नाहीत. वाहतूक सुरळीत सुरु आहे.