Sharad Pawar NCP Candidate List : उपमुख्यमंत्री अजित पवार यांनी जुलै 2023 मध्ये महायुती सरकारमध्ये सामील झाले. महायुतीत सामील होत अजित पवारांनी राष्ट्रवादीचे सर्वेसर्वा शरद पवार (Sharad Pawar) यांच्याविरोधात भूमिका घेण्याचा निर्णय घेतला. दरम्यान, अजित पवारांच्या (Ajit Pawar) निर्णयाला साथ देत अनेकांनी महायुतीसोबत जाण्याचा निर्णय घेतला होता. अजित पवारांनी जवळपास 9 जणांनी मंत्रि‍पदाची शपथ घेतली होती. दरम्यान, अजित पवारांसोबत गेलेल्या दिग्गज नेत्यांना आणि मंत्र्यांना घेरण्यासाठी शरद पवारांनी तगडे उमेदवार मैदानात उतरवलं आहेत. शरद पवारांच्या राष्ट्रवादीने आज (दि. 24) 45 उमेदवार जाहीर केले आहेत.
दिलीप वळसेंविरोधात देवदत्त निकम यांना उमेदवारी
दिलीप वळसे पाटील यांच्याविरोधात शरद पवारांनी देवदत्त निकम यांना उमेदवारी दिली आहे. दिलीप वळसे पाटलांनी शरद पवारांची साथ सोडल्यानंतर हा तगडा उमेदवार मैदानात उतरवण्यात आला आहे. देवदत्त निकम दिलीप वळसे पाटलांना तगडं आव्हान उभं करतील, असे बोलले जात आहे.
अजित पवारांविरोधात युगेंद्र पवारांना तिकीट
शरद पवारांनी अजित पवारांना घेरण्यासाठी देखील रणनीती आखली आहे. बारामती विधानसभा मतदारसंघातून अजित पवारांविरोधात युगेंद्र पवार यांना उमेदवारी देण्यात आली आहे. युगेंद्र पवार लोकसभा निवडणुकीत सुप्रिया सुळेंसाठी मैदानात उतरले होते. त्यांनी सुळेंसाठी जोरदार प्रचार केला होता. आम्हाला बारामतीचा दादा बदलायचा आहे, अशी मागणी शरद पवारांकडे केली जात होती. आता शरद पवारांनी युगेंद्र पवारांना मैदानात उतरवलं आहे.
हसन मुश्रीफ यांच्याविरोधात समरजीत घाटगेंना उमेदवारी
दिलीप वळसे आणि अजित पवारांसोबत हसन मुश्रीफ यांनी देखील शरद पवारांची साथ सोडली होती. शरद पवारांनी हसन मुश्रीफ यांना घेरण्यासाठी समरजीत घाटगे यांना भाजपमधून आयात केले होते. आता समरजीत घाटगेंना उमेदवारी जाहीर करण्यात आली आहे. कागलमध्ये गेल्यावेळी तिरंगी लढत झाल्याने हसन मुश्रीफ यांचा विजय झाला होता. आता हसन मुश्रीफ यांच्यापुढे समरजीत घाडगेंचं तगडं आव्हान असणार आहे.
दत्तात्रय भरणेंविरोधात हर्षवर्धन पाटील मैदानात
अजित पवारांचे विश्वासू सहकारी दत्तात्रय भरणे यांच्याविरोधात हर्षवर्धन पाटील यांना मैदानात उतरवण्यात आले आहे. दत्तात्रय भरणे यांनी लोकसभा निवडणुकीत सुप्रिया सुळे यांच्याविरोधात जोरदा प्रचार केला होता. त्यामुळे आता सुप्रिया सुळे देखील हर्षवर्धन पाटील यांच्या पाठीशी ठामपणे उभारल्या आहेत. त्यांनी आज उमेदवारी अर्ज भरण्यासाठी देखील हजेरी लावली होती.
शरद पवारांच्या राष्ट्रवादीकडून 45 उमेदवार जाहीर
जयंत पाटील - इस्लामपूर
अनिल देशमुख- काटोल
राजेश टोपे- घनसावंगी
बाळासाहेब पाटील- कराड उत्तर
जितेंद्र आव्हाड- कळबा मुंब्रा
शशिकांत शिंदे - कोरेगाव
जयप्रकाश दांडेगावकर- वसमत
गुलाबराव देवकर- जळगाव ग्रामीण
हर्षवर्धन पाटील- इंदापूर
प्राजक्त तनपुरे -राहुरी
अशोकराव पवार- शिरुर
मानसिंगराव नाईक- शिराळा
सुनील भुसारा- विक्रमगड
रोहित पवार- कर्जत जामखेड
विनायकराव पाटील- अहमदपूर
राजेंद्र शिंगणे- सिंदखेडराजा
सुधाकर भालेराव- उदगीर
चंद्रकांत दानवे- भोकरदन
चरण वाघमारे- तुमसर
प्रदीप नाईक- किनवट
विजय भांबळे-जिंतूर
पृथ्वीराज साठे- केज
संदीप नाईक- बेलापूर
बापूसाहेब पठारे- वडगाव शेरी
दिलीप खोडपे- जामनेर
रोहिणी खडसे- मुक्ताईनगर
सम्राट डोंगरदिवे-मुर्तिजापूर
रविकांत बोपछे- तिरोडा
भाग्यश्री अत्राम- अहेरी
बबलू चौधरी- बदनापूर
सुभाष पवार- मुरबाड
राखी जाधव- घाटकोपर पूर्व
देवदत्त निकम- आंबेगाव
युगेंद्र पवार - बारामती
संदीप वर्पे- कोपरगाव
प्रताप ढाकणे- शेवगाव
राणी लंके- पारनेर
मेहबूब शेख- आष्टी
करमाळा-नारायण पाटील
महेश कोठे-सोलापूर शहर उत्तर
प्रशांत यादव- चिपळूण
समरजीत घाटगे - कागल
रोहित आर आर पाटील- तासगाव कवठेमहाकाळ
प्रशांत जगताप -हडपसर
इतर महत्त्वाच्या बातम्या