Raj Thackeray Uddhav Thackeray: मनसेप्रमुख राज ठाकरे (Raj Thackeray) आणि माजी मुख्यमंत्री उद्धव ठाकरे (Uddhav Thackeray) यांची  आज भेट झाली. भाच्याच्या लग्न सोहळ्यानिमित्त ठाकरे बंधू एकत्र आले. या लग्न सोहळ्यानिमित्त राज ठाकरे आणि उद्धव ठाकरेंसह संपूर्ण कुटुंब एकत्र पाहायला मिळाले. यावेळी शर्मिला ठाकरे, रश्मी ठाकरे, अमित ठाकरे देखील उपस्थित होते. 


मुंबईतील दादरमधील राजे शिवाजी विद्यालयात लग्नाचं आयोजन करण्यात आलं होतं. यावेळी लग्नाला राज ठाकरेंसह उद्धव ठाकरे (Raj Thackeray Uddhav Thackeray Meet) सहकुटुंब उपस्थित राहिले. यावेळी राज ठाकरे आणि उद्धव ठाकरे यांच्यात संवाद देखील झाल्याचं पाहायला मिळालं. ठाकरे बंधूंच्या या भेटीनंतर शिवसेना शिंदे गटातील आमदार संजय शिरसाट यांनी प्रतिक्रिया दिली आहे. 


संजय शिरसाट नेमकं काय म्हणाले?


राज ठाकरे आणि उद्धव ठाकरे यांच्या भेटीवर संजय शिरसाट यांनी प्रतिक्रिया दिली आहे. लग्नात भेटले तर वातावरण तापण्याची गरज नाही. राज ठाकरे यांनी अनेकदा टाळी देण्याचा प्रयत्न केला, पण उद्धव ठाकरे यांनी हात मागे घेतला, त्यामुळे दोघीही आता एकत्र येण्याची शक्यता नाही, असं संजय शिरसाट म्हणाले. 


विधानसभा निवडणुकीत दोन्ही ठाकरे बंधूंना फटका-


यंदाच्या विधानसभा निवडणुकीत ठाकरे गटाला अवठाकरे बंधुंनी मुंबई महानगरपालिका निवडणुकीपूर्वी एकत्र यावेघ्या 20 जागांवर विजय मिळवला. तर 128 जागा लढवणाऱ्या मनसेला एकाही जागेवर उमेदवार निवडून आला नव्हता. त्यामुळे दोन्ही ठाकरे बंधुंच्या राजकीय अस्तित्वाचा प्रश्न उपस्थित झाला आहे. या पार्श्वभूमीवर ठाकरे बंधुंनी मुंबई महानगरपालिका निवडणुकीपूर्वी एकत्र यावे, अशी चर्चा सुरु झाली आहे.


ठाकरे ब्रँड टिकविण्यासाठी दोन्ही बंधू एकत्र येणार-


ठाकरे बंधूंनी एकत्र यायला हवे, अशी भावना सध्या मराठी जनतेची आहे. मनसे आणि ठाकरे गटाची विधानसभा निवडणूकीत वाताहात झाल्यानंतर आता राज आणि उद्धव या दोन्ही ठाकरे बंधूंनी एकत्र यावेत यासाठी सजामाध्यमांवर चर्चा सुरू झाल्या आहेत. मनसे आणि ठाकरे गटाचे तळागाळातील काही कार्यकर्ते देखील याबाबत खासगी बोलत आहेत. ‘एक रहेंगे, तो सेफ रहेंगे, ठाकरे ब्रँड टिकविण्यासाठी दोघांनीही एकत्र यायलाच हवे, दोन्ही बंधूंनी महाराष्ट्रासाठी एकत्र यावे, अशी प्रतिक्रिया संपूर्ण महाराष्ट्रात पाहायला मिळत आहे.


लग्न समारंभात ठाकरे कुटुंब एकत्र, राज-उद्धव भेटीची सर्वत्र चर्चा, VIDEO:



संबंधित बातमी:


ठाकरे बंधू आज पुन्हा एकत्र; अमित-आदित्य ठाकरेही पोहचले, निमित्त काय? मुंबईत राजकीय चर्चांना उधाण