कसाराजवळ सीमा हिरे यांच्या गाडीला मागून येणाऱ्या कारने धडक दिली. त्यानंतर आमदारांच्या सुरक्षारक्षकानं समोरील वाहनचालकाला शिवीगाळ केली. यावेळी दोघांमध्ये झटापटही झाली. दरम्यान, हा सगळा प्रकार कॅमेऱ्यामध्ये कैद झाला आहे.
धक्कादायक गोष्ट म्हणजे यावेळी सुरक्षा रक्षकानं रिव्हॉल्व्हरचा धाक दाखविल्याची चर्चा सुरु आहे. मात्र, आमदार हिरे यांनी या सर्व आरोपांचं खंडन केलं आहे. दरम्यान, पोलिसांनी मध्यस्थी करत या वादावर पडदा टाकण्याचा प्रयत्न केला आहे.
आज सकाळी आमदार सीमा हिरे या नाशिकवरुन मुंबईला येत असताना हा प्रकार घडला.