मुंबई :  राज्यातील ओबीसी (OBC)  आश्रम शाळेतील (Ashram School)  विद्यार्थ्यांना इंग्रजी आणि विज्ञान विषयांसाठी आता शिक्षक मिळणार आहे.  141  खाजगी अनुदानित उच्च माध्यमिक आश्रमाशाळांसाठी 282 शिक्षकांचा पदे मंजूर करण्यात आली आहे. ओबीसी मंत्री अतुल सावे (Atul Save) यांनी अधिवेशनात दिलेल्या आश्वासनानुसार पदभरती होणार  आहे. 


विज्ञान शाखेसाठी वाढीव प्रत्येकी दोन विषय शिक्षकांची पदे मंजूर झाली आहे. ओबीसी मंत्री अतुल सावे यांनी अधिवेशनात आश्वासन दिले होते. कला, वाणिज्य किंवा कला, विज्ञान अशा दोन विद्या शाखा असलेल्या आश्रम शाळांसाठी एकूण आठ शिक्षक मिळणार आहे. 


अशी होणार आश्रमाशाळांसाठी भरती?



  •  उच्च माध्यमिक आश्रमशाळेच्या (कनिष्ठ महाविद्यालय) विज्ञान शाखेसाठी वाढीव दोन शिक्षकांची पदे मंजूर 

  • ज्या उच्च माध्यमिक आश्रमशाळेत (कनिष्ठ महाविद्यालयात) कला/वाणिज्य आणि विज्ञान अशा दोन विद्याशाखा आहेत, त्या उच्च माध्यमिक आश्रमशाळेत एकूण आठ शिक्षकांची पदे अनुज्ञेय होतील

  •  मंजूर पदे सहा व अधिक नव्याने गणित/विज्ञान विषयासाठी मंजूर होणारी दोन पदे असतील

  • त्यापैकी कला/वाणिज्य विशेष विषय शिक्षकांची दोन आणि मराठी व इंग्रजी विषय शिक्षकाची दोन पदे 

  • याशिवाय उच्च माध्यमिक आश्रमशाळेच्या विज्ञान शाखेस गणित, जीवशास्त्र, भौतिकशास्त्र व रसायनशास्त्र या विशेष विषयांकरीता प्रत्येकी एक याप्रमाणे एकूण चार विषय शिक्षक अनुज्ञेय राहतील


आश्रम शाळांमध्ये सोयीसुविधा पुरवण्यात त्रुटी 


राज्य शासनाकडून पुरविण्यात येणाऱ्या निधीच्या तुलनेत विद्यार्थ्यांना दर्जेदार शिक्षण, जेवण आणि इतर सोयीसुविधा दिल्या जात असल्याची खात्री करावी. तसेच ज्या निवासी वसतिशाळांमध्ये संस्थाचालकांकडून या सोयीसुविधा पुरविण्यात त्रुटी अथवा कमतरता आढळून येत असल्यास त्याचा अहवाल विभागाकडे सादर करण्याचे आदेश मंत्री सावे यांनी अधिकाऱ्यांना दिले.  आश्रमशाळांना दर आठ दिवसाला ठरवून भेटी द्याव्यात, विद्यार्थ्यांच्या निवास व्यवस्था, विद्यार्थीसंख्या, पटपडताळणी यासह विविध बाबींचा तपासणीदरम्यान आढावा घेण्याचे आदेश अतुल सावे यांनी दिले आहे.


यशवंतराव मुक्त वसाहत घरकुल योजना, वसंतराव नाईक तांडा वस्तीसुधार योजनेतील तालुकानिहाय आढावा, सैनिकी शाळेतील मागासवर्गीय विद्यार्थ्यांसाठी निर्वाह भत्ता योजनेचा आढावा, मागासवर्ग वित्त आणि विकास महामंडळ, मर्यादित राबविण्यात येणाऱ्या योजनांचे उद्दिष्ट आणि साध्य याचा आढावा तसेच नविन वसतिगृह सुरु करण्याबाबत इतर मागास बहुजन कल्याण विभाग मंत्री अतुल सावे यांनी आढावा घेतला. 


हे ही वाचा :



NO Mask NO Darshan : आजपासून शिर्डीत 'नो मास्क नो दर्शन'; पालकमंत्र्यांच्या मंदिर प्रशासनाला सूचना