आज सकाळी 11.25 ते दुपारी 3.21 दरम्यान मध्य रेल्वेच्या माटुंगा ते मुलुंड डाऊन धिम्या मार्गावर ब्लॉक घेण्यात आला आहे. ब्लॉक काळात डाऊन धिम्या मार्गावरील लोकल फेऱ्या डाऊन जलद मार्गावर वळवण्यात येणार आहेत.
त्यामुळे विद्याविहार, कांजूरमार्ग आणि नाहूर स्थानकांवर लोकल उपलब्ध नसतील. रविवारी जलद लोकल्सना अतिरिक्त थांबे देण्यात येणार आहेत. तसेच मेगा ब्लॉकमुळे लोकलच्या वेळापत्रकावरही परिणाम होणार आहे.
सोईसुविधा आणि डागडुजीसाठी हा मेगा ब्लॉक घेण्यात येणार असल्याचं रेल्वे प्रशासनाकडून सांगण्यात आलं आहे. त्यामुळे प्रवाशांनी संयम बाळगावा असं आवाहन रल्वे प्रशासनाकडून करण्यात आलं आहे.