या कार्यालयात एका लग्नासाठी उल्हासनगरला राहणाऱ्या फैमिदा हमीद शेख या आपल्या मोहम्मद हमीद शेख या सहा महिन्यांच्या बाळाला घेऊन आल्या होत्या. कार्यक्रम झाल्यानंतर त्या कार्यालयाच्या दुसऱ्या मजल्यावरून तळमजल्यावर घरी परतण्यासाठी येत होत्या.
मात्र अचानक हाय हिल्सच्या सँडलमुळे त्यांचा पाय घसरला आणि त्यांच्या हातातून चिमुकला मोहम्मद थेट दुसऱ्या मजल्यावरून खाली पडला. हा आघात त्याला सहन झाला नाही आणि त्याचा जागीच मृत्यू झाला.
या प्रकाराबाबत कल्याणच्या महात्मा फुले चौक पोलीस ठाण्यात अकस्मात मृत्यूची नोंद करण्यात आली आहे.