वसईवरुन चर्चगेटच्या दिशेनं निघालेल्या स्लो लोकलच्या चाकामध्ये अचोलेजवळ शनिवारी रात्री साडेआठ वाजता 8 फुटांचा लोखंडी रॉड सापडला. लोकल स्लो असल्यानं मोटरमननं लगेच लोकल थांबवली. नितीन चंदनशिव असं या मोटरमनचं नाव आहे. शनिवारी रात्री दाखवलेल्या प्रसंगावधानामुळे त्यांचं सर्वत्र कौतुक केलं जात आहे. कारण लोकल जास्त वेगात असती तर तीचे डबे रुळावरुन घसरले असते.
सीएसटीजवळ रेल्वे रुळावर लोखंडी रॉड, घातपाताचा डाव उधळला
दरम्यान अचोले परिसरात शनिवारी काम सुरु होतं. त्यामुळे कुठल्या कामगारानं हा रॉड ठेवला का याची चौकशी आरपीएफ आणि जीआरपी करत आहेत.
याआधीही दिव्यात आणि पनवेलजवळ रेल्वे ट्रॅकवर लोखंडी रॉड आढळला होता. त्यामुळे शनिवारी सापडलेल्या रॉडमागे कुठला घातपात होता का याचाही तपास सुरु आहे.
संंबंधित बातम्या:
दिवा रुळ घातपात प्रकरणी पाच जण ताब्यात, मुंब्रा पोलिसांची कामगिरी