राफेल प्रकरणी सर्वोच्च न्यायालयानं हस्तक्षेप करण्यास नकार दिला आहे. मात्र त्यानंतरही काँग्रेसकडून हे प्रकरण लावून धरण्यात आलं आहे. राफेल प्रकरणात सर्वोच्च न्यायालयाचा निर्णय आल्यानंतरही काँग्रेसकडून हे प्रकरण लावून धरले आहे. या प्रकरणी चौकशीची मागणी काँग्रेस करीत आहे. तर दुसरीकडे याबाबत अंबानी परिवारालाही यात लक्ष्य करण्यात येत आहे.
मुंबईच्या सांताक्रुझ विभागात असलेल्या रिलायन्सच्या कार्यालयावर अनिल अंबानी यांचे राफेल बाबत विवादास्पद पोस्टर लावण्यात आले. या पोस्टरवर एका बाजूला अनिल अंबानी यांचा फोटो तर दुसऱ्या बाजूला राफेल विमानाचा फोटो लावण्यात आला होता. यावर राफेल चोर असे ठळक अक्षरात लिहिलेले होते. तसेच या फ्लेक्सवर काँग्रेस पक्षाचा देखील उल्लेख होता. हे पोस्टर काही वेळातच रिलायन्सच्या सुरक्षारक्षकांनी काढले.