नवी मुंबईतील ऐरोली सेक्टर 3 मध्ये दीपक कोचिंग क्लास आहे. या क्लासचा संचालक आणि शिक्षक दीपक शेंडगेवर लैंगिक अत्याचाराचा आरोप आहे.
दीपकने क्लासमधील मुलांना पिकनिकसाठी दापोलीला नेलं होतं. तेव्हा रात्री एका अल्पवयीन मुलावर त्याने अत्याचार केल्याचा आरोप आहे.
घरी आल्यावर मुलानं हा प्रकार आईवडिलांना सांगितला. पालकांनी दीपक शेंडगेविरोधात रबाळे पोलिसांत तक्रार दाखल केली. पोलिसांनी गुन्हा दाखल करुन दीपकला अटक केली आहे.