केडीएमसीच्या स्थायी समिती सभापतीपदाची निवडणूक आज (मंगळवार) पार पडली. यावेळी भाजपचे डोंबिवलीतील नगरसेवक राहुल दामले यांची बिनविरोध निवड झाली. तर महिला-बालकल्याण समितीच्या सभापतीपदी शिवसेनेच्या दीपाली पाटील यांची निवड झाली.
‘कल्याण-डोंबिवली महापालिकेकडे निधीची मोठी कमतरता असून त्यामुळे शहराचा विकास अर्धवट राहिला आहे. मात्र यावर मात करण्यासाठी नाशिकप्रमाणे खासगी कंपन्यांचा सीएसआर फंड कसा वापरता येईल? याकडे लक्ष देणार असून त्यासाठी शहरातील नामांकित अर्थतज्ज्ञांचं मार्गदर्शन घेतलं जाईलं.’ असं राहुल दामले यावेळी म्हणाले.
‘शिवाय ही कामं प्रशासनाची असली तरी, प्रशासन उदासीन असल्यानं आम्ही ते काम करु’, असं म्हणत त्यांनी प्रशासनालाही टोला लगावला.