मुंबई : वांद्रे-वरळी सी लिंकवर भीषण अपघात झाला आहे. या अपघतात पाच जणांचा मृत्यू झाला असून सहा जण जखमी झाले आहेत. जखमी झालेल्यांपैकी तीन जणांची प्रकृती चिंताजनक आहे. वांद्रेहून वरळीच्या दिशेने जाणाऱ्य मार्गावर हा अपघात झाला आहे. एका मागून एक गाड्या एकमेकांवर आदळल्या आहेत. पहाटे साडे तीनच्या सुमारास हा अपघात झाला आहे. वरळीहून वांद्रेच्या दिशेने जाणारा मार्ग बंद करण्यात आला आहे.
अपघातात जखमी झालेल्या रुग्णांना रुग्णालयात दाखल करण्यात आले आहे. रुग्णांना घेऊन जाणाऱ्या रुग्णवाहिकेला मागून येणाऱ्या तीन गाड्यांची धडक बसल्याने हा अपघात झाला. या गाड्या एका पाठोपाठ आदळल्याने वाहनांचे फार मोठ्या प्रमाणावर नुकसान झाले आहे. अपघातानंतर वरळी सी लिंकवर मोठा गोंधळ उडाला. या अपघातात जखमी झालेल्या चार ते पाच जणांची प्रकृती चिंताजनक आहे. अपघाताचा तपास पोलिस करत आहे.