मध्य रेल्वेच्या मुख्य मार्गावर कल्याण ते ठाणे स्थानकांदरम्यान अप फास्ट लाईनवर सकाळी 11.20 ते दुपारी 3.50 या वेळात मेगाब्लॉक घेण्यात येणार आहे. मेगाब्लॉकच्या काळात अप फास्ट मार्गावरील वाहतूक अप स्लो मार्गावर वळवण्यात येणार आहे. त्यामुळे मध्य रेल्वेची वाहतूक काहीशी उशिराने धावेल. तसंच काही लोकल रद्दही करण्यात आल्या आहे.
हार्बर रेल्वेमार्गावर पनवेल-वाशी अप आणि डाऊन मार्गावर सकाळी 11.20 वाजल्यापासून दुपारी 3.50 वाजेपर्यंत, तर नेरुळ/बेलापूर ते खारकोपर मार्गावर अप आणि डाऊन मार्गावर सकाळी 11.30 वाजल्यापासून दुपारी 4 वाजेपर्यंत मेगाब्लॉक घेण्यात येईल. त्यामुळे मेगाब्लॉकच्या काळात या स्थानकांदरम्यानची वाहतूक पूर्णपणे बंद असेल.
पश्चिम रेल्वे मार्गावर मरीन लाईन्स ते माहीम स्थानकांदरम्यान डाऊन स्लो मार्गावर सकाळी 10.35 वाजल्यापासून दुपारी 15.35 वाजेपर्यंत मेगाब्लॉक असेल. त्यामुळे या मार्गावरील वाहतूक डाऊन फास्ट मार्गावर वळवण्यात येणार आहे. मेगाब्लॉकच्या काळात काही लोकल रद्द असतील.