प्रसुतीनंतर या बाळाच्या वजनाची 5.38 किलो इतकी नोंद करण्यात आली. प्रसुतीवेळी या महिलेचा रक्तदाब वाढल्याने सिझेरीयन करुन प्रसुती करण्यात आली. बाळ आणि बाळंतीण दोघांचीही प्रकृती ठीक आहे.
सामान्यत: नवजात बाळाचं वजन हे अडीच ते साडेतीन किलोच्या दरम्यान असतं. मधुमेह असलेल्या गर्भवतींमध्ये जास्त वजनाचं बाळ जन्माला येण्याची शक्यता असते. मात्र या प्रकरणात आईला मधुमेह नसतानाही बाळाचं वजन अधिक आहे.