Mumbai Corona Update : मुंबईतील दैनंदिन कोरोना रुग्णांच्या संख्येत चढउतार पाहायाला मिळत आहे. बीएमसीने दिलेल्या आकडेवारीनुसार, शुक्रवारी मुंबईत 68 नव्या रुग्णांची भर पडली आहे. आज आढळलेल्या 68 रुग्णांपैकी 96 टक्के रुग्णांना कोणतीही लक्षणे नाहीत. शुक्रवारी तीन रुग्णांना उपचारासाठी रुग्णालयात दाखल करण्यात आले आहे. दिलासादायक बाब म्हणजे, मागील 24 तासांत मुंबईत एकाही कोरोना रुग्णांचा मृत्यू झालेला नाही. शुक्रवारी 44 रुग्णांनी कोरोनावर मात केली आहे.
बीएमसीने दिलेल्या आकडेवारीनुसार, मुंबईमध्ये शुक्रवारी कोरोनामुळे एकाही रुग्णाचा मृत्यू झाला नाही. तर गेल्या 24 तासात मुंबईमध्ये 44 रुग्ण कोरोनामुक्त झाले आहेत. मुंबईमध्ये सध्या 474 इतके सक्रीय रुग्ण आहेत. मुंबईमध्ये आतापर्यंत 10,39,105 इतके रुग्ण कोरोनामुक्त झाले असून बरे झालेल्या रुग्णांचे प्रमाण हे 98 टक्के इतकं आहे. तसेच मुंबईतील रुग्ण दुप्पटीचा कालावधी घसरलाय. हा कालावधी 11343 इतका झाला आहे. तसेच कोरोना वाढीचा दर 0.006 टक्के इतका आहे.
सर्वाधिक सक्रीय रुग्ण मुंबईत -
राज्यात सर्वाधिक सक्रीय रुग्ण मुंबईममध्ये आहेत. मुंबईमध्ये 474 सक्रीय रुग्ण आहेत. तर पुण्यात 184 सक्रीय रुग्ण आहेत. त्यानंतर ठाण्यात 71 सक्रीय रुग्ण आहेत. नाशिक 10, अहमदनगर 18, धुळे 10 सक्रीय रुग्ण आहेत. इतर ठिकाणी सक्रीय रुग्णांची संख्या 10 पेक्षा कमी आहे. राज्यात एकूण 817 सक्रीय रुग्ण आहेत.
राज्यात आज 121 कोरोना रुग्णांची नोंद -
शुक्रवारी राज्यात 121 रुग्णांचे निदान झाले आहे. राज्यातील ॲक्टिव्ह रुग्णसंख्या देखील एक हजारांखाली आली आहे. राज्यात सध्या 817 अॅक्टिव्ह रुग्ण आहे. तसेच गेल्या चोवीस तासात शून्य कोरोना रुग्णांचा मृत्यू झाला आहे. राज्यात गेल्या 24 तासात 66 रुग्ण कोरोनामुक्त होऊन घरी परतले आहेत. राज्यात आज शून्य कोरोना रुग्णांच्या मृत्यूची नोंद झाली आहे. राज्याचा मृत्यूदर 1.87 टक्के झाला आहे. राज्यात आतापर्यंत 77,27, 855 रुग्णांनी कोरोनावर मात केली आहे. त्यामुळे राज्यातील रुग्ण बरे होण्याचे प्रमाण 98.11 टक्के झाले आहे. राज्यात आजपर्यंत 7, 99, 92, 659 प्रयोगशाळा तपासण्या करण्यात आल्या आहे.