Mumbai Corona Update : मुंबईतील दैनंदिन कोरोना रुग्णांच्या संख्येत चढउतार पाहायला मिळत आहे. बीएमसीने दिलेल्या आकडेवारीनुसार, शुक्रवारी मुंबईत 352 नव्या रुग्णांची भर पडली आहे. शुक्रवारी पंधरा रुग्णांना उपचारासाठी रुग्णालयात दाखल करण्यात आले आहे. मागील 24 तासांत मुंबईत एकाही कोरोनाबाधित रुग्णाचा मृत्यू झालेला नाही. शुक्रवारी 213 रुग्णांनी कोरोनावर मात केली आहे.
बीएमसीने दिलेल्या आकडेवारीनुसार, शुक्रवारी एकाही कोरोनाबाधित रुग्णाचा मृत्यू झालेला नाही. तर गेल्या 24 तासात मुंबईमध्ये 213 रुग्ण कोरोनामुक्त झाले आहेत. मुंबईमध्ये सध्या 1797 सक्रिय रुग्ण आहेत. मुंबईमध्ये आतापर्यंत 10,42,910 रुग्ण कोरोनामुक्त झाले असून बरे झालेल्या रुग्णांचे प्रमाण हे 98 टक्के इतकं आहे. तसेच मुंबईतील रुग्ण दुप्पटीचा कालावधी कालावधी 3396 झाला आहे. तसेच कोरोना वाढीचा दर 0.021% टक्के इतका आहे.
सर्वाधिक सक्रीय रुग्ण मुंबईत
राज्यात सर्वाधिक सक्रीय रुग्ण मुंबईममध्ये आहेत. मुंबईमध्ये 1797 सक्रीय रुग्ण आहेत. तर पुण्यात 308 सक्रीय रुग्ण आहेत. त्यानंतर ठाण्यात 270 सक्रीय रुग्ण आहेत. अहमदनगर 23, रायगड 56 आणि पालघर 30 आणि नागपूरमध्ये 10 सक्रीय रुग्ण आहेत. इतर ठिकाणी सक्रीय रुग्णांची संख्या 10 पेक्षा कमी आहे. राज्यात एकूण 2039 सक्रिय रुग्ण आहेत.
देशातील कोरोनाबाधितांमध्ये पुन्हा वाढ
देशातील कोरोना संसर्गात चढ-उतार पाहायला मिळत आहे. भारतातील कोरोना रुग्णांमध्ये पुन्हा किंचित वाढ झाली आहे. भारतात 15 हजार 814 सक्रिय रुग्ण आढळले आहेत. गेल्या 24 तासांत 2 हजार 296 कोरोना रुग्ण संसर्गातून मुक्त झाले आहेत. आतापर्यंत देशात पाच लाखहून अधिक रुग्णांचा कोरोनामुळे मृत्यू झाला आहे.
संबंधित बातम्या