विधीमंडळात काल (27 फेब्रुवारी) मराठी भाषा दिनाच्या निमित्ताने मराठी भाषा अनिवार्यबाबत चर्चा सुरु होती. यावेळी शिरीष कुलकर्णी हे मुंबईतील एका गृहनिर्माण संस्थेसंदर्भात अर्ज घेऊन आले होते. यासाठी त्यांना विश्वजीत कदम यांना भेटायचं होतं. परंतु चालता येत नसल्यामुळे आत येऊ शकत नाही, असा निरोप विश्वजीत कदमांना मिळाला.
शिरीष कुलकर्णी कामासाठी लांबून आल्याने विश्वजीत कदमांनी सभापतींकडे पाच मिनिटांची वेळ मागून विधीमंडळाच्या गेटच्या दिशेने निघाले. कदम यांनी शिरीष कुलकर्णी यांचं म्हणणं गेटवरील खुर्चीतच बसूनच ऐकलं आणि तात्काळ संबंधित अधिकार्‍यांना आवश्यक कार्यवाही करण्यासंदर्भात सूचना केली.
गेटवर जाऊन डॉ. विश्वजीत कदम यांनी दिव्यांग व्यक्तींबरोबर केलेली चर्चा इथे तैनात असलेले पोलीस आणि इतर लोक कुतूहलाने बघत होते.