ठाणे : शिवसेना-भाजप महायुतीच्या उमेदवारांना पाठिंबा देण्याची जाहीर भूमिका ठाणे जिल्ह्यातील सकल मराठा समाज, मराठा क्रांती मोर्चाने घेतली आहे. मराठा आरक्षण, वसतिगृहे यांच्यासह मराठा समाजाचे अनेक प्रश्‍न आणि मागण्या मार्गी लावण्यासाठी सातत्याने समाजाच्या प्रत्येक आंदोलनात सक्रीय सहभाग आणि पुढाकार घेणार्‍या मराठा उमेदवारांनाही पाठिंबा देण्याचं मराठा क्रांती मोर्चाने ठरवलं आहे.
मराठा समाज, मराठा क्रांती मोर्चाकडून ठाण्यात आज पत्रकार परिषदेचं आजोजन करण्यात आलं होतं. या पत्रकार परिषदेत त्यांनी आपली भूमिका जाहीर केली. ठाणे जिल्ह्यातील वसतिगृहाचा प्रश्‍न पालकमंत्री एकनाथ शिंदे यांनी मार्गी लावल. तर छत्रपती संभाजी महाराज यांच्या नावाने समाजासाठी स्वंतत्र स्मारक उभारण्याचे आश्‍वासन दिलं आहे.
VIDEO | मराठा म्हणून नव्हे तर माळी म्हणून कोल्हे रिंगणात : शिवाजीराव पाटील | एबीपी माझा
याशिवाय जिल्ह्यातील समाजाचे प्रश्‍न मार्गी लावण्यासाठी पालकमंत्री एकनाथ शिंदे, राज्यमंत्री रविंद्र चव्हाण हे नेहमीच सक्रीय राहिले होते. शिवसेना-भाजप महायुतीचे कल्याणमधील उमेदवार डॉ. श्रीकांत शिंदे, ठाण्याचे उमेदवार राजन विचारे, भिवंडीचे उमेदवार कपिल पाटील आणि पालघरचे उमेदवार राजेंद्र गावित यांना पाठिंबा देणार आहेत.
मराठा महासंघाचे सरचिटणीस सुरेश माने, कैलाश म्हापदी आणि ठाणे, कल्याण,नवी मुंबई, भिवंडी, पालघरमधील मराठा क्रांती मोर्चाचे समन्वयक या पत्रकार परिषदेला उपस्थित होते. सकल मराठा समाज आणि मराठा क्रांती मोर्चाने घेतलेल्या भूमिकेचा याठिकाणी शिवसेना-भाजप युतील नक्कीच फायदा होईल.
VIDEO | मराठा अशी कोणतीही स्वतंत्र जात नाही, मागास प्रवर्ग आयोगाचा अहवाल | मुंबई | एबीपी माझा