गणपती बाप्पाचा उत्सव महाराष्ट्रात मोठ्या प्रमाणात साजरा केला जातो. मुंबईत देखील मानाच्या गणराजाच्या दर्शनासाठी दरवर्षी रांगा लागतात. सिद्धीविनायक, लालबागचा राजासह अनेक प्रमुख मंडळांच्या बाप्पाच्या दर्शनासाठी भक्त लांबून येतात. बाप्पाचं आगमन झालं की मुंबईतील प्रसिद्ध लालबागच्या राजाकडे भक्तांची पावलं वळतात. हजारोंच्या संख्येनं भाविक लालबागच्या राजा चरणी लीन होण्यासाठी येतात. मात्र यंदा कोरोनामुळं भाविकांना बंधनं आलीत.
तरीही लालबागच्या राजाचं दर्शन 24 तास आपण ऑनलाईन घेऊ शकणार आहोत. तसेच रोज गणेश आरतीचा देखील लाभ भाविक घेऊ शकणार आहेत. यासाठी लालबागचा राजा मंडळाच्या Lalbaugcha Raja या यू ट्यूब लाईव्हवर आपल्याला जावं लागणार आहे.
लालबागच्या राजाचं दर्शन 24 तास ऑनलाईन पाहा इथं
यंदा लालबागच्या राजाचा गणपती नाही; लालबागचा राजा सार्वजनिक गणेशोत्सव मंडळाचा ऐतिहासिक निर्णय
लालबागमधील प्रसिद्ध गणपती मंडळ लालबागचा राजा सार्वजनिक गणेशोत्सव मंडळाने (Lalbaugcha Raja Sarvajanik Ganeshotsav Mandal)ऐतिहासिक निर्णय घेतला आहे. राज्यावर कोरोना संकट असल्यानं मंडळायाने यंदा गणेशोत्सव साजरा न करता आरोग्यसेवा साजरा करण्याचा ऐतिहासिक निर्णय घेतला आहे.
लालबागचा राजा सार्वजनिक गणेशोत्सव मंडळाचं सर्वच स्तरांमधून कौतुक होत आहे. 11 दिवस गणपती बाप्पाची मुर्ती न बसवता 11 दिवस रक्तदान आणि प्लाझ्मा थेरपी उपक्रम राबवण्याचा निर्णय मंडळाने घेतला आहे. सध्या महाराष्ट्र कोरोनाच्या विळख्यात अडकला आहे. तसेच गणेशोत्सव अवघ्या काही महिन्यांवर येऊन ठेपला आहे. दरवर्षी लालबागच्या राजाला होणारी गर्दी लक्षात घेता मंडळानं ऐतिहासिक निर्णय घेत आरोग्यसेवा करणार असल्याचं सांगितलं आहे. लालबागच्या राजाची ख्याती खुप मोठी आहे. दरवर्षी अनेक सेलिब्रिटी, राजकारणी, क्रेिकेटपटू या लालबागच्या राजाच्या दर्शनासाठी येत असतात. एवढचं नाहीतर देशविदेशातून लोकं बाप्पाच्या दर्शनासाठी येत असतात. पण यंदा हा उत्सव होणार नाही. गणेशोत्सवात लालबागमध्ये लाखो भाविक येत असतात गर्दीत कोरोनाची लागण असलेल्यांचा वावर आला तर कित्येकांना यांची लागण होऊ शकते आणि परिणामी शासकीय यंत्रणेवरचा ताण वाढू शकतो तसेच कोरोनाग्रस्तांचा आकडाही वाढू शकतो त्यामुळेच सणासुदीला गालबोट लागू नये म्हणून हा निर्णय घेण्यात आला आहे.