आठ वर्षीय मुलीला मंदिरात नेऊन आरोपींनी तिच्यावर आठ दिवस आळीपाळीने बलात्कार केला. देवाच्या मंदिरात नराधमांनी तिच्यावर अनन्वित अत्याचार केले. त्याच देवाला प्रश्न विचारुन आमदार जितेंद्र आव्हाड यांनी आपला राग व्यक्त केला.
ये देवा तू कुठे आहेस? हरवला आहेस की कंटाळून निघून गेलास? तुला माहित आहे काय झालं तुझ्या मंदिरात? काश्मीरमधल्या कठुआतील तुझ्या मंदिरात आठ दिवस माझ्या मुलीवर, या देशाच्या मुलीवर बलात्कार झाला. पण देवा तू तिला मदत करायला तिथे नव्हतास, असे प्रश्न जितेंद्र आव्हाड व्हिडीओत विचारत आहेत.
आव्हाडांचा हा व्हिडीओ सध्या सोशल मीडियावर व्हायरल होत आहे.
कठुआ बलात्कार, हत्या प्रकरण
जम्मू-काश्मीरच्या कठुआमध्ये 8 वर्षीय मुलीवर झालेल्या बलात्कार आणि हत्या प्रकरणानंतर देशभरात संतापाची लाट उसळली आहे. या प्रकरणातील आठव्या आरोपीविरोधात सोमवारी आरोपपत्र दाखल करण्यात आलं. दरम्यान, या घटनेनंतर आता सर्व स्तरातून संतप्त प्रतिक्रिया उमटत आहेत.
10 जानेवारीला मुलगी खेचर चारण्यासाठी कठुआजवळच्या जंगलात गेली होती. तिथून तिचं एका अल्पवयीन आरोपीने अपहरण केलं आणि जवळच्या मंदिराच्या तळघरात लपवलं. सात ते आठ दिवस नराधमांनी तिच्यावर आळीपाळीने अमानुष अत्याचार केले. या नराधमांनी अनन्वित अत्याचारानंतर तिची हत्या केली.
शोधाशोध करुन थकल्यावर 12 जानेवारीला तिच्या कुटुंबीयांनी पोलिसात तक्रार केली.
17 जानेवारीला जंगलात तिचा मृतदेह अतिशय भीषण अवस्थेत आढळून आला. या प्रकरणाचा तपास स्थानिक पोलिसांकडून एसआयटीकडे सोपवण्यात आला. मुख्य आरोपी आणि माजी सरकारी अधिकारी संजी राम हा दोन महिने फरार होता. मार्चमध्ये संजी राम स्वत: पोलिसांसमोर हजर झाला. मेरठमधून त्याचा मुलगा विशालला अटक करण्यात आली.
संजी रामला मदत करणं आणि चिमुकलीवर अत्याचार केल्याप्रकरणी पोलीस अधिकाऱ्यांनाही अटक करण्यात आली आहे. दोन महिन्यांनी आरोपपत्र दाखल करण्यास वकिलांनी विरोध केल्याने देशभरातून संतापाची लाट उसळली आहे.
पाहा व्हिडीओ
संबंधित बातम्या
‘बलात्कार ही विकृतीच’, पंतप्रधान मोदींचं कठुआप्रकरणी वक्तव्य
मोदींनी मला दिलेला सल्ला स्वत: अंमलात आणावा : मनमोहन सिंह
देशाच्या मुलींना न्याय मिळेल, आरोपींना सोडणार नाही : मोदी
काश्मिरात चिमुकलीची बलात्कार करुन हत्या
कठुआ बलात्कार : फाशीसाठी पॉक्सोमध्ये बदल करणार : मेनका गांधी
भाजप प्रदेशाध्यक्ष म्हणतात, असिफाच्या बलात्कारामागे पाकचा हात
देशाच्या मुलींना न्याय मिळेल, आरोपींना सोडणार नाही : मोदी