मुंबई : सोशल मीडियावर (Social Media star) स्टार असलेल्या एका तरुणाने भरधाव वेगात कार चालवत अपघात केल्याप्रकरणी त्याला अटक करण्यात आलं आहे. इन्स्टाग्रामवर तब्बल अडीच कोटींच्या जवळपास फॉलोअर्स असलेल्या फैजल शेख ऊर्फ फैजू याने एका सोसायटीच्या गेटला भरधाव वेगात गाडी धडकवून अपघात केला आहे.
टिकटॉक (Tik tock) आणि इन्स्टग्रामचा( Instagram) स्टार असलेला फैजू काल त्याच्या सहकाऱ्यांसह ओशिवरा येथील मिलत नगर विभागात त्याच्या बीएमडब्लू कारने आला होता. मात्र भरधाव वेगात त्याचे गाडीवरील नियंत्रण सुटले आणि त्याची गाडी इथल्या अल तबुत या सोसायटीच्या गेटला धडक देऊन या सोसायटी मध्ये घुसली.
सुदैवाने या ठिकाणी कोणी व्यक्ती त्या वेळी नसल्याने जीवितहानी झाली नाही. मात्र सोसायटीचे नुकसान झाले आहे.या प्रकरणी ओशिवरा पोलिसांनी फैजूच्या विरोधात गुन्हा दाखल करून त्याला अटक केली आहे.
इन्स्टाग्रामवर फैजूचे तब्बल अडीच कोटीच्या जवळपास फॉलोअर्स आहेत. सोबतच फैजलचे अकाऊंट देखील व्हेरीफाईड आहे. काल रात्री तो आपल्या मित्रांसह ओशिवरा भागात होता. यावेळी फैजू याने एका सोसायटीच्या गेटला भरधाव वेगात गाडी धडकवून अपघात केला. भरधाव वेगात त्याचे गाडीवरील नियंत्रण सुटले आणि त्याची गाडी इथल्या सोसायटीच्या गेटला धडकली.
रात्रीची वेळ असल्या कारणाने सुदैवाने या ठिकाणी कोणी व्यक्ती त्यावेळी उपस्थित नव्हती. या प्रकरणी ओशिवरा पोलिसांनी फैजूच्या विरोधात गुन्हा दाखल केला आहे. त्याला पोलिसांनी अटक केली असल्याची देखील माहिती आहे.