मस्कटहून दिल्ली आणि दिल्लीहून मुंबईला आलेल्या विमानातून तीन आरोपींनी प्रत्येकी 10 तोळं सोन्याचे 4 बिस्किटं आणली होती. कस्टमच्या तपासात ही बिस्किटं जप्त करून, आरोपींना ताब्यात घेण्यात आलंय.
तर दुसऱ्या घटनेत कुवैतहून मुंबईमध्ये आलेल्या विमानात 1 किलोचे सोन्याचे दोन तुकडे जप्त करण्यात आले. हे तुकडे स्पीकरमध्ये लपवण्यात आले होते. ज्याची किंमत बाजारात 26 लाख 40 हजार रूपये आहे. याप्रकरणी एका आरोपीला ताब्यात घेण्यात आलं आहे.