ही घटना काल (गुरुवार) संध्याकाळी सहा वाजेच्या दरम्यान घडली. ओमसिंग सोळंकी याचे 25 वर्षीय महिलेशी प्रेमसंबंध होते. पण मागील काही दिवसांपासून या दोघांमध्ये दुरावा आला होता. ओमसिंग हा बरेच दिवस आपल्या प्रेयसीशी बोलतही नव्हता. तसंच तिला भेटतही नव्हता. याच रागातून प्रेयसीनं ओमसिंगवर अॅसिड हल्ला केला.
काल ओमसिंग आणि या महिलेची गोरेगावमध्ये भेट झाली होती. त्यावेळी या दोघांमध्ये कडाक्याचे भांडण झालं. तेव्हा आरोपी महिलेनं ओमसिंगला शिवीगाळ करत ऑसिडसारखं द्रव्य त्याच्या अंगावर फेकलं. दरम्यान, याप्रकरणी पोलिसांनी गुन्ह्याची नोंद केली आहे.