मुंबई : शिवसेनेच्या 'डीड यू नो' ला राष्ट्रवादीने 'यू शुड नो'ने उत्तर दिलं असतानाच आता काँग्रेसही मैदानात उतरली आहे. 'पाप' या मथळ्याखाली मुंबईच्या समस्यांवर बोट ठेवत काँग्रेसने सत्ताधारी शिवसेना आणि भाजपवर टीका केली आहे. काँग्रेसने निवडणुकीच्या निमित्ताने सुरु केलेली बॅनरबाजी मुंबईत ठिकठिकाणी दिसत आहे. डम्पिंग ग्राऊंड, रस्त्यावरील खड्डे, पिण्याच्या पाण्याची समस्या, पावसाळ्यात पाणी तुंबणं, वाहतुकीची कोंडी, शाळा यासारख्या मुद्द्यांवर काँग्रेसनं मुंबई महापालिकेतील सत्ताधाऱ्यांना डिवचलं आहे.

पाहा फोटो : हे 'पाप' महापालिकेतील भ्रष्ट-अभद्र युतीचं, काँग्रेसची पोस्टरबाजी

गेली 20 वर्षे हे असेच सुरु आहे, पुढील 5 वर्ष हेच हवं आहे का? असा सवाल या पोस्टरमधून विचारला आहे. 'मन बदला, मुंबई बदलेल' निर्धारपूर्वक मतदान करा, बदल घडवा, असं आवाहन या पोस्टर्सच्या माध्यमातून करण्यात आलं आहे.

शिवसेनेच्या 'डीड यू नो'ला राष्ट्रवादी काँग्रेसचे सवाल

मुंबई महापालिका निवडणुकीच्या पार्श्वभूमीवर शिवसेनेने संपूर्ण मुंबईमध्ये आपल्या विकासकामांची माहिती देण्यासाठी ‘डीड यू नो’ या टॅगलाईनचे पोस्टर लावले आहेत. त्याला टक्कर देण्यासाठी राष्ट्रवादी काँग्रेसनं प्रचारासाठी ‘यू शूल्ड नो’ ही टॅगलाईन तयार करुन पोस्टरबाजी केली आहे. राष्ट्रवादीनं या कॅम्पेनअंतर्गत शिवसेनेवर विविध भ्रष्टाचाराचे आरोप केले आहेत. तसंच पुणे, पिंपरी-चिंचवड महापालिकेनं केलेल्या विकासकामांची मुंबई महापालिकेच्या कामांशी तुलना केली आहे.

संबंधित बातम्या

‘करुन दाखवलं’ऐवजी शिवसेनेची नवी टॅगलाईन ‘डीड यू नो’

युती करणार असाल तर रस्ते घोटाळ्याचं काय? : सुप्रिया सुळे