अंबानी यांच्या दक्षिण मुंबईतील अँटिला या राहत्या घरी एंगेजमेंट सोहळ्याचे आयोजन करण्यात आले होते. श्लोकाने अमेरिकेतील प्रिंसटन विद्यापीठातून मानवशास्त्राची पदवी घेतली आहे. त्याचबरोबर लंडन स्कूल ऑफ इकॉनॉमिक्समधून मास्टर्स डिग्रीही मिळवली आहे. आकाश आणि श्लोकाची लहानपणापासूनच मैत्री आहे.
सोहळ्यात मुकेश यांचे बंधू अनिल अंबानी, त्यांची पत्नी टीना अंबानी तसेच रतन टाटा, महेंद्र ग्रुपचे अध्यक्ष आनंद महिंद्रा, कोटक महिंद्राचे कार्यकारी उपाध्यक्ष आणि व्यवस्थापकीय संचालक उदय कोटक, आदित्य बिर्ला ग्रुपचे अध्यक्ष कुमार मंगलम बिर्ला उपस्थित होते.
केंद्रीय मंत्री रवीशंकर प्रसाद, सुरेश प्रभु आणि मनोज सिन्हा यांनीसुद्धा एंगेजमेंट सोहळ्याला हजेरी लावली. तर महाराष्ट्राचे मुख्यमंत्री देवेंद्र फडणवीस आणि पत्नी अमृता फडणवीस सोहळ्यास हजर होते. याशिवाय राष्ट्रवादी काँग्रेसचे अध्यक्ष शरद पवार, प्रफुल पटेल, शिवसेना पक्षप्रमुख उद्धव ठाकरे तसेच काँग्रेसचे ज्येष्ठ नेते आनंद शर्मा, दिग्विजय सिंह, महाराष्ट्राचे माजी मुख्यमंत्री पृथ्वीराज चव्हाण आणि काँग्रेसच्या माजी खासदार प्रिया दत्त यांनी उपस्थिती लावली.
मुकेश अंबानी यांचे पुत्र आकाश अंबानी आणि श्लोका मेहता यांच्या सोहळ्यात अनेक बॉलिवूड दिग्गजांनी हजेरी लावली. यात बॉलिवूड स्टार शाहरुख खानचा समावेश आहे. शाहरुखने पत्नी गौरी खान आणि मुलगा आर्यन सोबत सोहळ्यात आले होते. तर आमीर खान आपली पत्नी किरण राव बरोबर उपस्थिति दर्शवली.
‘संजू’ चित्रपटाचे दिग्दर्शक राजकुमार हिरानी, दिग्दर्शक करण जोहर, अभिनेत्री काजोल हे सुद्धा उपस्थित होते. अभिनेता रणबीर कपूर आपल्या आई नीतू सिंग सोबत तर अभिनेता शाहिद कपूर आपली पत्नी मिरा राजपूत सोबत सोहळ्यात दिसून आले.
तर अभिषेक बच्चन आपली पत्नी ऐश्वर्या राय आणि मुलगी आराध्या सोबत सोहळ्यात सहभागी झाले. अंबानींच्या पार्टीमध्ये रेखा, माधुरी दीक्षित, विद्या बालन, राणी मुखर्जी, आलिया भट्ट, परिणीती चोपरा, श्रद्धा कपूर, दिशा पटाणी, सिद्धार्थ मल्होत्रा, टायगर श्रॉफ आणि सारा अली खान हे उपस्थित होते.
मास्टर ब्लास्टर सचिन तेंडुलकर आणि पत्नी अंजली तेंडुलकर सोहळ्यात दिसून आले.