आरोपी पती नरहरी याचे विनेदासोबत प्रेमसंबंध होते, मात्र याला नरहरीची पत्नी प्रवलिका उर्फ सोनी नरहरी श्रीमलचा अडसर होता. त्यामुळे नरहरीने 12 ऑगस्ट रोजी पत्नीचा गळा आवळून हत्या केली, आणि तिचा मृतदेह घरातच पुरुन ठेवला.
यानंतर नरहरीने आपली पत्नी बेपत्ता झाल्याचा बनाव करत, शहर पोलीस स्थानकात तक्रार दाखल केली. मात्र पोलीस तपासात वेगळंच सत्य बाहेर आलं.
वळसंग पोलीस ठाण्याचे प्रभारी सह पोलीस निरीक्षक सोनकांबळे यांना वळसंगमधील एका पोलीस मित्राने फोन करुन महिलेचा मृतदेह घरातच पुरल्याची माहिती दिली. यानंतर पोलिसांनी घराचं खोदकाम करुन महिलेचा मृतदेह बाहेर काढला.
या प्रकरणी पोलिसांनी नरहर श्रीमलला ताब्यात घेतलं आहे. तर त्याची प्रेयसी विनेदा संदुपटल फरार झाली आहे.