महाराष्ट्राबरोबरच देशाचंही या खटल्याकडे लक्ष लागलं आहे. त्यामुळे दोषींना जन्मठेप की फाशी हे 29 नोव्हेंबर 2017 रोजी समजणार आहे.
तीनही आरोपी प्रौढ आहेत, त्यांनी जाणीवपूर्वक हे कृत्य केलं आहे. त्यांना कमी शिक्षा दिली तर ते पुन्हा असं कृत्य करणार नाहीत याची खात्री नाही. त्यामुळे न्यायलयाने तीनही आरोपींना फाशीच द्यावी, असं उज्ज्वल निकम म्हणाले.
दोषींना फाशी का यासाठी न्यायालयात 13 कारणं दिल्याची माहिती उज्ज्वल निकम यांनी दिली. ती कारणं म्हणजे....
1. मुख्य दोषी जितेंद्र शिंदे याच्या गळ्यात आणि हातात एक माळ होती. ती लकी असल्याचे त्याने वीट भट्टीवर काम करताना मालकाला सांगितलं होतं. घटनास्थळी त्या माळेचे मणी मिळाले.
2. दोषीची दुचाकी आढळली.
3. दोषी जितेंद्र शिंदेंच्या पॅन्टवर, शर्टवर मुलीचे डीएनए आढळले. दोषीने ते पॅन्टवर पुसलं होते.
4. दोषी संतोष भवाळ आणि नितीन भैलुमे यांनी शिंदेची दुचाकी पळून जाण्यासाठी ठेवली होती.
5. पीडितेच्या गुप्तांगाचा स्राव जितेंद्र शिंदेंच्या पॅन्टवर आढळला
6. अत्याचार आणि खून केल्यानंतर पीडितेला खांद्यावर टाकून घेऊन जात असताना तिच्या तोंडातील रक्त दोषी शिंदेच्या शर्टवर पडलं. त्याने शर्ट धुतला, पण बनियनच्या आतील बाजूस रक्त सापडलं
7. पीडितेच्या शरीराचे दोषीने लचके तोडले होते, शिंदेच्या दाताचे ठसे पीडितेच्या शरीरावर मिळाले
8. दोषीच्या नखात पीडितेच्या शरीराचा भाग मिळाला.
9. दोषीच्या चपला घटनास्थळी मिळाल्या.
10. शिंदेने दोषी क्रमांक 3 ला या घटनेनंतर मिस कॉल देऊन संकेत दिला होता
11. घटनास्थळाजवळ तिघे फिरत होते
12. दोषी एक आणि तीनने पीडितेची एक दिवस आधी छेडछाड केली होती
13. पीडितेचे कपडे चारीच्या दक्षिण दिशेला आणि मृतदेह उत्तर दिशेला आढळला. शिंदे हे एकटा करणं अशक्य आहे. वक्ष, पाठीवर चावा घेतल्याचा उल्लेख वैद्यकीय अहवालात आहे. दोन्ही हात खांद्यापासून निखळले होते. गुप्तांगावर जखमा होत्या.
काय घडलं न्यायालयात?
- आरोपी क्रमांक २ संतोष भवाळ यांच्या शिक्षेवरील युक्तीवादाला ऍड. बाळासाहेब खोपडे यांच्याकडून सुरूवात...
- आरोपीनं कोणताही गुन्हा केला नाही, दिशाभूल करणारे पुरावे सादर करत आरोपीला गोवल्याचा दावा
- आरोपी २ ला फाशी देण्याइतपत पुरावे नाहीत, असा खोपडेंचा युक्तिवाद
- लोकांची मागणी आणि माध्यमातील बातम्या यावर न्यायालय प्रभावित होत असल्याचा आरोप, न्यायालयाने यावर आक्षेप घेत, पुराव्यांशिवाय आरोप करु नका, असं सुनावलं
- उज्ज्वल निकम यांच्या युक्तीवादाला सुरुवात
- खून का बदला खून नको, आम्हाला न्याय हवा, असं म्हणत युक्तीवादाला सुरुवात...
- कृत्य अत्यंत अमानवी असल्याचं सांगत, आरोपी मनुष्य नाहीत.
- खून करणं हे त्यांनी एन्जॉय केलं, त्यामुळे कोणताही गुन्हेगार शिक्षेशिवाय सुटू नये.
- लोक आक्रोश करतात, त्यांना न्याय मिळावा, ही आमची भूमिका.
- सर्वोच्च न्यायालयाच्या विविध खटल्याच्या निकालांचा संदर्भ दिला.
- इंदिरा गांधी खून खटला, अफजल गुरु प्रकरण आणि बच्चन सिंग प्रकरण आदी प्रकरणांचा संदर्भ
- कोपर्डीचं कृत्य, भयानकता, क्रूरता आणि विकृत मानसिकतेचा कळस असल्याचं सांगत 13 मुद्दे मांडले
- या मुद्द्यांच्या आधारावर तिन्ही आरोपींना मृत्युदंडाची मागणी.
- हे आरोपी म्हणजे राक्षसांचा पुनर्जन्म आहे.
- संपूर्ण घटनाक्रम हा गोठलेल्या रक्ताच्या गुन्हेगारांनी केलाय.
- आरोपी एकला मदत करणारे दोघेही तितकेच जबाबदार.
उज्ज्वल निकम यांचा युक्तीवाद
- 11 जुलैला आरोपींनी पीडितेला अडवलं. आरोपी जितेंद्र शिंदेनं हात ओढून अत्याचारासाठी चारीकडे खेचलं. यावेळी मैत्रीण रडली.
यावेळी आरोपी भवाळ आणि नितीन भैलुमे हसत होते.
- निशस्त्र मुलीला हसून ओढतात. त्यामुळं शिंदेच्या कृतीचा भवाळ आणि नितीन भैलूमे आनंद घेत होते.
- नागरिक येण्याच्या भितीनं दोघांनी आपलं काम तीला नंतर दाखवू, असं शिंदेला म्हटलं. म्हणजेच आपण दोघे नंतर अत्याचार करु हा अर्थ होतो.
- त्यानंतर पीडित तरुणी दोन दिवसांनी 13 जुलैला सायंकाळी आजोबाकडे दुचाकीवरुन जात होती. यावेळी आरोपी दुचाकीवरुन लक्ष ठेवत होते.
- घराबाहेर गेलेली मुलगी घरी लवकर न आल्यानं आई पहायला निघाली. त्यावेळी पीडीत विवस्त्र पडली होती आणि त्यावेळी शिंदे पळून गेला. यापूर्वी भवाळ आणि नितीन भैलूमे यांनी आरोपी शिंदेला पळून जाण्यासाठी दुचाकी तयार ठेवली होती.
- तीन आरोपी मनोरुग्ण नव्हते. तीन आरोपी प्रौढ होते त्यांना कृत्याची जाणीव होती. त्यामुळं आरोपींना कमी शिक्षा दिल्यास समाजात तो पुन्हा असं करणार नाही याची खात्री नाही.
- त्यामुळे दोषी ठरवल्यामुळे त्यांना पश्चाताप आणि दुःख नाही, आरोपी जितेंद्र शिंदे कमी शिक्षेची मागणी केली नाही. त्यामुळं जन्मठेपने सुधारणार नाही. शिंदेनं शिक्षा एक दिवस काय आणि हजार दिवस काय असं म्हटलंय.
- त्याचबरोबर भवाळ आणि नितीन भैलूमे यांना पश्चाताप नाही. कमी शिक्षा दिल्यास सुधारणा होईल का हा प्रश्न आहे.
- 13 जुलैला घटनेवेळी आरोपी शिंदेनं दोघांना भवाळ आणि नितीन भैलूमे यांना मोबाईल फोनवर मिस्ड कॉल केला होता. यावेळी भवाळ आणि नितीन भैलूमे नं उत्तर दिले नाही.
- 13 तारखेला आरोपी सात वाजता चकरा मारत होते तर त्यानंतर आत्याचार झाला आणि नंतर मिस्ड कॉल केलाय.
आरोपी शिंदेचं माळ घटनास्थळी सापडली.
- यांचं भविष्यात पुनर्वसन होण्याची शक्यता कमी आहे. तीनही आरोपींनी क्रूरपणे आत्याचार आणि हत्या केली. ही विकृती आहे. त्यामुळं जितेंद्र शिंदेला फाशी शिक्षा देण्याची मागणी
- तर संतोष भवाळ आणि नितीन भैलूमे यांना बलात्कार करण्याची इच्छा होती. त्यामुळं दोघांनी कटकारस्थान करुन अत्याचार आणि हत्या केली. त्यामुळं या दोघांना फाशीची मागणी
- तिघांना आरोपींना मृत्युदंडाची शिक्षा देण्याची उज्ज्वल निकम यांची मागणी केली
बाळासाहेब खोपडे यांचा युक्तीवाद
- घटना दुर्देवी आहे, मात्र प्रत्येकाला बचावाचा, अधिकार आहे. त्यामुळे शिक्षेच्या सुनावणीवर कोणतासाही सामाजित दबाव नसावा.
- संतोष भवाळनं गुन्हा केलेला नाही, तरीही पुरावा आणून आरोपी दोषी ठरवला गेला.
- शिवाय घटनेवेळी २ आणि ३ क्रमांकाच्या आरोपीला कुणीही घटनास्थळावरुन पळून जाताना पाहिलेलं नाही, म्हणून संतोष भवाळवर ३०२ कलमाची शिक्षा लागू होत नाही
- या प्रकरणी रेअरेस्ट ऑफ रेअर असं यात काय घडलं? दिसला फिरला म्हणून कट करुन हत्या असं होत नाही. शिक्षा दिली तर समाजात ऐकोपा होईल का, तसं असेल तर मी फाशी मागेन. फाशी साठी पुरावा नाही.
मला फाशी नको, जन्मठेप द्या: जितेंद्र शिंदे
कोपर्डी बलात्कार प्रकरणातील दोषींना कमीत कमी शिक्षा व्हावी, अशी मागणी बचाव पक्षांच्या वकिलाने काल केली. या प्रकरणातील मुख्य दोषी जितेंद्र शिंदेंने पीडित तरुणीला आपण मारलं नाही, असा दावा करत, फाशीऐवजी जन्मठेप देण्याची मागणी केली. तर शिंदेचे वकील योहान मकासरे यांनी आपल्या अशिलाला फाशी नको तर जन्मठेप द्यावी, अशी मागणी केली.
नितीन भैलुमेच्या वकिलांचा युक्तीवाद
दुसरीकडे या खटल्यातील तीन नंबरचा आरोपी नितीन भैलुमेच्या वकिलांनी आपल्या अशिलाला या खटल्यात गोवल्याचा दावा केला. तसंच नितीन भैलुमे हा कोणत्याही गुन्हेगारी पार्श्वभूमीचा नाही. तो दलित कुटुंबातील आहे. तो 26 वर्षाचा विद्यार्थी असून, त्याचं कुटुंब सर्वसामान्य आहे. त्याचे पालक त्याच्यावर अवलंबून आहेत. शिवाय त्याच्यावर लावण्यात आलेल्या कलमात जास्त शिक्षेची तरतूद नाही. तो केवळ 102 ब कटकारस्थान आणि 109 गुन्ह्याला उत्तेजित करणं या दोनच कलमात दोषी आढळला आहे. त्याच्याविरोधात कोणताही साक्षीदार नाही, कोणी प्रत्यक्षदर्शी नाही, त्याला या गुन्ह्यात गोवण्यात आलं आहे. तो एक सुशिक्षित मुलगा आहे, असा दावा नितीन भैलुमेचे वकील प्रकाश अहेर यांनी केला.
तीनही आरोपी दोषी
दरम्यान, बलात्कार आणि हत्येप्रकरणी मुख्य आरोपी जितेंद्र शिंदे, संतोष भवाळ आणि नितीन भैलूमे या तिघांवर कटकारस्थान करुन अत्याचार आणि हत्येचा दोष सिद्ध झाला आहे. कलम 120 ए, 376 (बलात्कारा) आणि 302 (हत्या) अशा कलमांन्वये लावलेले आरोप सिद्ध झाले आहेत.
त्यामुळे या तीनही नराधमांना फाशी की जन्मठेप याचा फैसला आता 29 नोव्हेंबरला होणार आहे.
शिक्षेच्या युक्तीवादाच्या पार्श्वभूमीवर आजही अहमदनगर जिल्हा न्यायालयात कडक बंदोबस्त तैनात आला.
काय आहे नेमकं प्रकरण?
अहमदनगर जिल्ह्यातल्या कोपर्डीमध्ये 13 जुलै 2016 रोजी अल्पवयीन मुलीवर बलात्कार करुन निर्घृण तिची हत्या करण्यात आली होती. या प्रकरणाने राज्य ढवळून निघालं होतं. या प्रकरणी पोलिसांनी नितीन भैलुमे, जितेंद्र शिंदे आणि संतोष भवाळ या तिघांना अटक करण्यात आली होती. जलदगती न्यायालयात सुनावणी करुन आरोपींना फाशी देण्याची मागणी करण्यात आली.
31 जणांच्या साक्ष
कोपर्डी खटल्यात आतापर्यंत 31 जणांच्या साक्ष नोंदवण्यात आल्या आहेत. सप्टेंबर महिन्यात सर्व साक्षीदारांच्या साक्षी पूर्ण झाल्या आहेत. याप्रकरणी जितेंद्र शिंदे, संतोष भवाळ आणि नितीन भैलुमे यांच्यावर कटकारस्थान करुन बलात्कार आणि हत्याचा आरोप ठेवण्यात आला आहे.
कोपर्डी बलात्कार आणि हत्येचा घटनाक्रम…
13 जुलै 2016 –
रोजी सायंकाळी साडेसातच्या दरम्यान पीडितेवर अमानुष अत्याचार करुन हत्या
15 जुलै 2016 –
जितेंद्र शिंदेला श्रीगोंद्यात अटक
16 जुलै 2016 –
संतोष भवाळला अटक
17 जुलै 2016 –
तिसरा आरोपी नितीन भैलुमे अटकेत
18 जुलै 2016 –
दोन आरोपींवर जिल्हा न्यायालय परिसरात हल्ला
24 जुलै 2016 –
मुख्यमंत्री देवेंद्र फडणवीस कोपर्डीला भेट
7 ऑक्टोबर 2016 –
तिन्ही आरोपींविरोधात जिल्हा न्यालयात दोषारोपपत्र दाखल
1 एप्रिल 2017 –
कोपर्डी खटल्यातील तिन्ही आरोपींवर शिवबा संघटनेच्या कार्यकर्त्यांकडून जिल्हा न्यायालयाच्या आवारात हल्ला
22 जून 2017 –
खटल्यात सरकारी पक्षाने एकूण 31 साक्षीदार तपासले
2 जुलै 2017 –
कोपर्डीत सूर्योदय संस्थेच्यावतीने निर्भयाचं स्मारक बांधण्याच निर्णय
12 जुलै 2017 –
कोपर्डी घटनेच्या एक वर्षाच्या पूर्वसंध्येला नगरला कॅण्डल मार्च
13 जुलै 2017 –
घटनेला एक वर्ष पूर्ण झाल्याने निर्भयाला श्रद्धांजली अर्पण
9 ऑक्टोबर –
खटल्याचा अंतिम युक्तिवाद पूर्ण
18 नोव्हेंबर 2017
तीनही आरोपी दोषी
21 नोव्हेंबर 2017
दोषी नंबर 1 जितेंद्र शिंदे आणि दोषी नंबर 3 नितीन भैलुमे यांच्या वकिलांचा शिक्षेवर युक्तीवाद, कमीत कमी शिक्षेची मागणी
22 नोव्हेंबर 2017
दोषी नंबर 2 – संतोष भवाळच्या वकिलांचा युक्तीवाद,
घटना दुर्देवी आहे, मात्र प्रत्येकाला बचावाचा, अधिकार आहे. त्यामुळे शिक्षेच्या सुनावणीवर कोणताही सामाजित दबाव नसावा, असा युक्तीवाद दोषीच्या वकिलांनी केला.
त्यानंतर सरकारी वकील उज्ज्वल निकम यांनी तीनही आरोपी प्रौढ आहेत, त्यामुळे त्यांना फाशीच द्यावी, अशी मागणी केली.
संबंधित बातम्या
कोपर्डीचा निकाल 29 नोव्हेंबरला, तीनही आरोपींना फाशीच हवी: उज्ज्वल निकम
कोपर्डीचा युक्तीवाद जसाच्या तसा : अॅड. उज्ज्वल निकम विरुद्ध तीन वकील
कोपर्डी प्रकरण : दोषींच्या वकिलांचा कोर्टातील युक्तीवाद जसाच्या तसा
कोपर्डी निकाल : मला फाशी नको, जन्मठेप द्या: जितेंद्र शिंदे
खटल्यात प्रत्यक्षदर्शी साक्षीदार कोणीही नव्हता, तरीही जिंकलो : निकम
कोपर्डी निकाल: आरोपींना जास्तीत जास्त काय शिक्षा होऊ शकते?
कोपर्डी बलात्कार-हत्या: तीनही आरोपी दोषी, 22 तारखेला शिक्षा
कोपर्डी निकाल: दोषींना कठड्यात उभं करुन न्यायाधीशांनी विचारलं….