Shrikant Shinde on Sanjay Raut: झारखंडमधील बहुचर्चित दारू घोटाळा प्रकरणात बिहार लाचलुचपत प्रतिबंधक विभागाने (एसीबी) सुमित फॅसिलिटी प्रायव्हेट लिमिटेडचा संचालक अमित प्रभाकर सांळुखेला अटक केली. अमित हा पुण्यातील सुदर्शननगर येथील आहे. अमित साळुंखेच्या अटकेनंतर शिवसेना खासदार संजय राऊत यांनी त्याचा श्रीकांत शिंदे फौंडेशनशी संबंध असल्याचे म्हटले आहे. त्याने घोटाळ्यातील सर्व पैसा श्रीकांत शिंदे फौंडेशनला वळवला असून 800 कोटींचा घोटाळा असल्याचे म्हटले आहे. गेल्या दोन दिवसांपासून अमित हा शिंदे पिता पुत्राचा अत्यंत निकटवर्तीय असल्याचा आरोप गंभीर आरोप केले आहेत. या संदर्भात आज कोल्हापूर दौऱ्यावर असलेल्या खासदार श्रीकांत शिंदे यांना विचारणा करताच श्रीकांत शिंदे भडकले. कोण संजय राऊत? अशी विचारणा श्रीकांत शिंदे यांनी केली. महाराष्ट्रातील 108 नंबर अॅम्बुलन्स कंत्राट अमितकडेच आहे.
मी कोणत्या संजय राऊतला ओळखत नाही
श्रीकांत शिंदे म्हणाले की, कोण संजय राऊत? मी कोणत्या संजय राऊतला ओळखत नाही. जो रोज उठून कुठलाही पुरावा न देता आरोप करतो, शिव्या शाप दिल्या जातात. याची तुम्ही देखील बाजू तपासली पाहिजे, असे शिंदे म्हणाले. संजय राऊत यांच्या आरोपावर उत्तर द्यायला मी बांधील नाही. पुरावे असतील तर समोर बसून दाखवले पाहिजेत. कुणी कुणावर आरोप करत असेल, तर ते पुराव्यानिशी केले पाहिजेत. कोण प्रश्न विचारत आहे त्याला मी ओळखत नाही असे म्हणत संजय राऊतांवर शिंदे यांनी टीका केली. दरम्यान, आगामी स्थानिक स्वराज संस्थाच्या निवडणुकीच्या पार्श्वभूमीवर बोलताना शिंदे म्हणाले की, महायुती म्हणून आम्ही तिन्ही पक्ष एकत्र लढणार आहोत. महायुतीला ज्या पद्धतीने विधानसभा निवडणुकीमध्ये यश मिळालं तसंच यश स्थानिक स्वराज्य संस्थांच्या निवडणुकांमध्ये देखील मिळेल, असा विश्वास त्यांनी बोलून दाखवला.
अनेक महत्त्वाचे पुरावे एसीबीला सापडले
दुसरीकडे, तपासादरम्यान झारखंडमध्ये अमितच्या घोटाळ्यात सहभागाशी संबंधित अनेक महत्त्वाचे पुरावे एसीबीला सापडले आहेत. एजन्सीच्या मते, घोटाळ्यातील नामांकित आणि अनामिक आरोपींशी त्याचे आर्थिक संगनमत होते. दारूशी संबंधित बेकायदेशीर पैशांच्या व्यवहारात आणि वितरणात अमितची भूमिका आढळून आली आहे. तपासात सहकार्य न केल्याबद्दल एसीबीने अमितला 15 जुलै रोजी पुन्हा नोटीस पाठवली आणि 23 जुलै रोजी चौकशीसाठी हजर राहण्याचे निर्देश दिले होते. यानंतर चौकशीत समाधानकारक उत्तरे न मिळाल्याने अटकेची कारवाई करण्यात आली.
इतर महत्वाच्या बातम्या