गेल्या चार वर्षांपासून दुष्काळाचा सामना करत असलेल्या मराठवाड्याला गारपीटीने पुन्हा एकदा अडचणीत आणलं आहे. अनेक ठिकाणी हाताशी आलेली पीकं गेली आहेत. लातूरमध्येही दुपारपासून अनेक ठिकाणी जोरदार पाऊस सुरु आहे.
कळंबसह इतर परिसरातही ढगाळ वातावरण आहे. त्यामुळे पाऊस वाढण्याची शक्यता आहे. दरम्यान उस्मानाबादमध्ये गारपीटीचा पंचनामा करण्याचे आदेश देण्यात आले आहेत. शेती, फळझाडे आणि फळबागांच्या नुकसानीचे पंचनामे करण्याचे आदेश देण्यात आले आहेत.