1. राज्यसभा निवडणुकीत फोडाफोडी टाळण्यासाठी राजकीय पक्षांचं हॉटेल 'मॅनेजमेंट', भाजप आमदारांची हॉटेल ट्रायडंटमध्ये सोय तर  भाजपच्या निर्णयामुळे शिवसेनेनं बदललं हॉटेल


2. ईडी कारवायांवर  राऊत आणि पवारांची तुफान फटकेबाजी, आपला रुपया सच्चा मग दडपशाहीला घाबरण्याचं कारण नाही, शरद पवारांचं वक्तव्य, नसलेली मालमत्ता जप्त केल्याची राऊतांची माहिती


3. काश्मिरी पंडितांच्या मागे महाराष्ट्र ठामपणे उभा, मुख्यमंत्री उद्धव ठाकरेंची ग्वाही, हिंदुंच्या टार्गेट किलिंगवरही चिंता


4. रायगडावर उद्या होणाऱ्या शिवराज्याभिषेक दिनासाठी पोलिसांची तयारी पूर्ण, शिवभक्तांसाठी सूचना आणि रस्त्यांची माहिती देणारी चित्रफीत प्रसारित


5. पुढील पाच दिवस राज्याच्या विविध भागात पावसाचा अंदाज, मेघगर्जनेसह मान्सूनपूर्व सरी बरसण्याची शक्यता तर विदर्भाच्या काही भागात उष्णतेची लाट कायम राहणार


Maharashtra Monsoon Updates : सध्या राज्यात उष्णतेच्या लाटेनं हैराण केलं आहे. उकाड्यानं हैराण झालेला प्रत्येकजण चातकाप्रमाणे पावसाची वाट पाहत आहे. अशातच हवामान खात्यानं मान्सूनबाबत काहीसा दिलासादायक अंदाज वर्तवला आहे. येत्या 5 दिवसांत राज्यात अनेक भागांत पावसाची शक्यता वर्तवण्यात आली आहे. 


राज्यात यंदा मान्सून (Monsoon) लवकर येण्याचा अंदाज हवामान खात्यानं खरंतर वर्तवला होता. मात्र पुढे सरकण्यासाठी अनुकूल परिस्थिती नसल्यानं गेले चार दिवस मान्सून कर्नाटकातल्या कारवारपर्यंत येऊन थांबला आहे. नैऋत्य मोसमी वाऱ्यांच्या महाराष्ट्रातील प्रवेशाला सध्या अडथळा निर्माण झाल्यामुळे मान्सून कर्नाटकातच थबकल्याची माहिती हवामान विभागाच्या वतीनं देण्यात आली. पण असं असलं तरी पुढील 5 दिवसांत राज्यातल्या अनेक भागात जोरदार मान्सूनपूर्व सरी बरसण्याचा अंदाज हवामान खात्यानं वर्तवला आहे. काही ठिकाणी मेघगर्जनेसह पावसाचा अंदाज आहे. दरम्यान, राज्यात विदर्भ, मराठवाडा उत्तर महाराष्ट्रासह इतरही अनेक भागांत उष्णतेची लाट (Heat Wave) कायम राहणार आहे. 


पाहा व्हिडीओ : स्मार्ट बुलेटिन : 05 जून 2022 : रविवार : एबीपी माझा 



6. मुंबईसह महाराष्ट्रात कोरोना आकडा वाढताच, महाराष्ट्रात काल 1 हजार 357 नवे रुग्ण तर मुंबईत दिवसभरात 889 रुग्ण, मास्क वापरण्याचं आवाहन


7. नवी मुंबईच्या वाशीतील वृक्षतोड रोखण्यासाठी पर्यावरणदिनी नेते मैदानात, मंत्री जितेंद्र आव्हाड आज चिपको आंदोलन करणार,  तर भाजप नेते गणेश नाईकांची जनजागृती रॅली


8. कोरोनावरील कोर्बेवॅक्स लशीला बुस्टर डोससाठी परवानगी, कोविशिल्ड, कोव्हॅक्सिन घेतलेल्यांना बुस्टर डोस म्हणून कोर्बेवॅक्सचा घेता येणार


9. उत्तर प्रदेशातील हापूरमध्ये केमिकल कंपनीत स्फोट, 12 मजुरांचा मृत्यू तर 19 जण जखमी, बॉयलर फुटल्यानं अपघात झाल्याची माहिती


10. राफेल नदाल फ्रेंच ओपनच्या फायनलमध्ये, अलेक्झांडर झ्वेरेवची दुखापतीमुळे माघार, नदाल विक्रमी विजेतेपदाच्या उंबरठ्यावर