दररोज सकाळी हे बुलेटिन प्रसारित केलं जातं. एबीपी माझाच्या या बुलेटीनमध्ये दररोज सकाळी राजकीय, सामाजिक, आर्थिक, शैक्षणिक, मनोरंजन, क्रिडा विश्वातील महत्त्वाच्या दहा बातम्यांचा आढावा घेतला जातो.



1. पूरस्थिती असल्यानं पावसाळ्यानंतर निवडणुका घ्या, फडणवीसांची मागणी, तर तात्काळ निवडणुका घेण्याचा राष्ट्रवादीचा आग्रह, ओबीसी आरक्षणासह निवडणुका होणार असल्यानं लगबग वाढली
 
२.  काँग्रेस-राष्ट्रवादीची मतं फोडण्याचं भाकीत शिंदे-फडणवीस खरं करून दाखवणार का? आज राष्ट्रपती निवडणुकीच्या निकालाची उत्सुकता, यशवंत सिन्हांच्या तुलनेत मुर्मू यांचं पारडं जड


Presidential Election 2022: आज देशाला 15 वे राष्ट्रपती (President) मिळणार आहेत.  18 जुलै रोजी राष्ट्रपती पदासाठी मतदान प्रक्रिया पार पडली. त्यानंतर आज 21 जुलै रोजी सकाळी 11 वाजेपासून संसद भवनात (Parliament House) मतगणना सुरु होईल. एनडीएकडून राष्ट्रपतीपदाच्या उमेदवार द्रौपदी मुर्मू (NDA presidential candidate Droupadi Murmu) यांचा विजय निश्चित मानला जात आहे. जर मुर्मू यांचा विजय झाला तर त्या देशाच्या पहिल्या आदिवासी महिला राष्ट्रपती असतील. विशेष म्हणजे 15 वर्षांपूर्वी याच दिवशी म्हणजे 21 जुलै रोजी देशाला प्रतिभा पाटील यांच्या रुपाने पहिल्या महिला राष्ट्रपती मिळाल्या होत्या. 21 जुलै 2007 रोजी झालेल्या मतमोजणीत प्रतिभा पाटील यांचा विजय झाला होता. त्यांनी 25 जुलै 2007 रोजी पहिल्या महिला राष्ट्रपती म्हणून शपथ घेतली होती. त्या देशाच्या 12 व्या राष्ट्रपती होत्या. 2007 ते 2012 या कालावधीत त्यांनी देशाचं सर्वोच्च पद भूषवलं. आता द्रौपदी मुर्मू यांचा विजय जवळपास निश्चित मानला जात आहे. त्या विजयी झाल्या तर त्या दुसऱ्या महिला राष्ट्रपती होतील.  देशाचे राष्ट्रपती रामनाथ कोविंद यांचा कार्यकाल 24 जुलै रोजी समाप्त होणार आहे. 


 
3. राष्ट्रवादी काँग्रेसच्या राष्ट्रीय पातळीवरचे सर्व विभाग आणि सेलची कार्यकारिणी बरखास्त, शरद पवारांचा निर्णय, राज्यात मात्र कोणतेही बदल नाही
 
4.शिवसेना जिल्हाप्रमुख गाडेंच्या मुलासह अहमदनगरचे नगरसेवक शिंदे सेनेत; शिंदे गटात सामील होताच मिळाला निधी


5.  कोरोनातून बऱ्या झालेल्या सोनिया गांधींना आज ईडी समोर हजर राहाण्याचे आदेश.. ईडी कारवाईविरोधात सकाळी 11 वाजता काँग्रेस नेत्यांचा मुंबई ईडी कार्यालयावर मोर्चा...


6. मुंबईकरांनो काळजी घ्या! कोरोनासोबतच स्वाईन फ्ल्यूदेखील फोफावतोय, आतापर्यंत 11 रुग्णांची नोंद


7. राज्यातल्या सत्तासंघर्षानंतर आदित्य ठाकरेंचा प्रथमच मुंबईबाहेर दौरा, आजपासून शिवसंवाद यात्रेला सुरुवात, शिवसेनेची संघठना एकत्र ठेवण्याचं आव्हान
 
8.चित्रा वाघ यांच्याकडून काँग्रेस प्रदेशाध्यक्ष नाना पटोलेंचा व्हिडीओ ट्वीट; पटोलेंची न्यायालयात धाव


9.  आजारी असलेल्या तान्ह्या बाळाला आणि आईला घेऊन पूर्णा नदीच्या पुरातून जीवघेणा प्रवास, बुलढाण्यातल्या काळेगावचा व्हिडीओ समोर, पाऊस ओसरला तरी राज्यात अनेक ठिकाणी पूरस्थिती कायम


10.मंकीपॉक्सचा उद्रेक, जगभरात 14,000 रुग्णसंख्या आफ्रिकेत पाच जणांचा मृत्यू; WHO ची माहिती