मुंबई : पेट्रोल आणि डिझेलच्या दरात आज कोणतीही वाढ झालेली नाही. मात्र सर्वसामान्यांना दिलासा मिळाला आहे, असं म्हणता येणार नाही. कारण, सप्टेंबर महिन्यापासून इंधन दरवाढीची मालिका सुरू आहे. त्यामुळे पेट्रोल, डिझेलच्या दरवाढीने आज विश्रांती घेतली आहे, असंच म्हणावं लागेल.
मुंबईत पेट्रोलचे दर आज 89.54 रुपये आहेत तर डिझेल 78.42 रुपयांना विकलं जात आहे. सप्टेंबर महिन्यात गेल्या 18 दिवसात पेट्रोलचे दर जवळपास पावणे चार रुपयांनी वाढले आहेत. राज्यातील 12 जिल्हे वगळल्यास बाकी सर्व जिल्ह्यांमध्ये पेट्रोलच्या दरांनी नव्वदी पार केली आहे.
मुंबईसह कोकणातील ठाणे, पालघर, रायगड, पश्चिम महाराष्ट्रातील पुणे, सांगली, कोल्हापूर, उत्तर महाराष्ट्रातील नाशिक, धुळे तर विदर्भातील वर्धा आणि चंद्रपूर या जिल्ह्यामध्ये पेट्रोलचे दर 90 रुपयांच्या जवळपास आहे. उर्वरीत 24 जिल्ह्यात दरांनी नव्वदी गाठली आहे.
सप्टेंबर महिन्याच्या सुरुवातीला म्हणजेच 1 सप्टेंबरला मुंबईतील पेट्रोलचे दर 86.09 रुपये प्रति लिटर इतके होते. आज हाच दर 89.54 रुपये झाला आहे.
सर्वात महाग पेट्रोल परभणीत
देशातील सर्वात महाग पेट्रोल परभणीत विकलं जात आहे. परभणीत पेट्रोलचे दर 91.29 रुपये प्रतिलीटर आहे. तर देशात सर्वात स्वस्त पेट्रोल अंदमानची राजधानी पोर्ट ब्लेयर येथे विकलं जात आहे. येथे एक लिटर पेट्रोल केवळ 70.70 रुपयात मिळत आहे.
संबंधित बातम्या
...तर इंधन दरवाढीचा मोदी सरकारला फटका बसेल : बाबा रामदेव
पेट्रोलची टिच्चून आगेकूच, शतकापासून 12 रुपये दूर!
इंधन दरवाढीचा फटका, भाजीपाला दरात 20 ते 25 टक्क्यांनी वाढ
स्पेशल रिपोर्ट @830 | पेट्रोल-डिझेलचे दर गगनाला, 'अच्छे दिन'चं स्वप्न हवेतच