नाशिक महापालिकेच्या निवडणुकीसाठी शेजवळ हा सेनेचा संभाव्य उमेदवार असल्याचीही माहिती आहे. काही दिवसांपूर्वीच त्याने मनसेतून शिवसेनेत प्रवेश केला होता. शेजवळच्या खुनाने नाशिकमध्ये एकच खळबळ उडाली आहे.
राजकीय वैमनस्यातून ही हत्या करण्यात आल्याचं बोललं जात आहे. त्याच्या कार्यालयात घुसून त्याच्यावर हल्ला करण्यात आला. शेजवळ हा तुरुंगात असताना पोटनिवडणुकीत त्याच्या आईने निवडणूक लढवली होती. तुरुंगातून बाहेर आल्यावर त्याने 15 दिवसातच मनसेतून शिवसेनेत प्रवेश केला होता.
दरम्यान पोलीस या संपूर्ण घटनेचा तपास करत असून हल्लेखोरांचा तपास घेत आहेत. मात्र या घटनेने नाशिकमध्ये भीतीचं वातावरण आहे.