Sindhudurg District Bank Election Results Live updates : सिंधुदुर्ग जिल्हा बँक निवडणूक: भाजपचा मोठा विजय, भाजपला 11 तर महाविकास आघाडीला 8 जागा

Sindhudurg District Bank Election Live updates :संपूर्ण महाराष्ट्राचं लक्ष लागलेल्या सिंधुदुर्ग जिल्हा बँक संचालक मंडळाच्या पंचवार्षिक सार्वत्रिक निवडणुकीची आज मतमोजणी सुरु आहे. पाहा प्रत्येक अपडेट्स

abp majha web team Last Updated: 31 Dec 2021 12:15 PM

31/12/2021 13:49:55

मतदारांनी सारे काही झुगारून लोकशाही निवडली, देवेंद्र फडणवीसांची प्रतिक्रिया

सरकारी यंत्रणेचा गैरवापर, पोलिसी दडपशाही, सत्तेची अरेरावी, मतदारांनी सारे काही झुगारून लोकशाही निवडली. सिंधुदुर्ग जिल्हा बँक निवडणुकीत भाजपचा दणदणीत विजय! केंद्रीय मंत्री नारायणराव राणे,रवींद्र चव्हाण,सर्व भाजपा नेते,कार्यकर्ते,विजयी उमेदवारांचे मनःपूर्वक अभिनंदन!

31/12/2021 12:54:40

ईश्वरी संकेत देखील भाजपच्या बाजूने आहेत- विरोधीपक्ष नेते प्रवीण दरेकर

नारायण राणे आणि नितेश राणे यांच्यावर जबरदस्ती करून निवडणूक जिंकण्याचा प्रयत्न केला. त्याला चोख उत्तर सिंधुदुर्ग जिल्ह्यातील जनतेने दिलं आहे. ईश्वरी संकेत देखील भाजपच्या बाजूने आहेत, असं विधान परिषद विरोधीपक्ष नेते प्रवीण दरेकर यांनी म्हटलं आहे.

जनता आमच्या सोबत आहे आणि ईश्वराचे पाठबळ आमच्या सोबत आहे. कितीही यंत्रणा आणि पोलीस वापरले तरी जनतेच्या दरबारात न्याय मिळतो, असं त्यांनी म्हटलं आहे.

31/12/2021 12:27:11

'आज सिंधुदुर्गात आघाडीचा भोपळो फुटलो', भाजप आमदार आशिष शेलारांचं ट्वीट

देवांक सोडल्यान अन् देवचराक धरल्यान आणि विधान परिषदेत एक जागा गमवल्यान्...आज सिंधुदुर्गात आघाडीचा भोपळो फुटलो... नवी मुंबई, ठाणे, मुंबई महापालिका निवडणुकींच्या निकालाची ही नांदी आहे. मा. अमितभाई शाह म्हणाले त्याप्रमाणे हिम्मत असेल तर तिघेही एकत्र समोर लढाईला या आम्ही तयार आहोत!

31/12/2021 12:15:01

सिंधुदुर्ग जिल्हा बँक निवडणूक: नारायण राणेंच्या नेतृत्वात भाजपचा मोठा विजय, भाजपला 11 तर महाविकास आघाडीला 8 जागांवर विजय

31/12/2021 11:54:09

मोठी बातमी..! जिल्हा बँकेवर भाजपची सत्ता, दहा जागा जिंकल्या, महाविकास आघाडीला आतापर्यंत सात जागा

31/12/2021 11:49:52

विमुक्त जाती, भटक्या जमाती व विशेष मागास प्रवर्ग मतदार संघातून महाविकास आघाडीचे मेघनाथ धुरी विजयी

सिंधुदुर्ग:- विमुक्त जाती, भटक्या जमाती व विशेष मागास प्रवर्ग मतदार संघातून महाविकास आघाडीचे मेघनाथ धुरी विजयी

गुलाबराव चव्हाण (भाजप)- पराभूत

31/12/2021 11:43:54

नारायण राणे 3 वाजता कोकणात विजयी जल्लोषासाठी पोहोचणार

केंद्रीय मंत्री नारायण राणे 3 वाजता कोकणात विजयी जल्लोषासाठी पोहोचणार, 1 वाजता जुहूवरून कोकणासाठी निघणार

31/12/2021 11:23:19

सिंधुदुर्ग जिल्हा बँकेत भाजपचं वर्चस्व, बँकेचे विद्यमान अध्यक्ष आणि उपाध्यक्ष पराभूत

31/12/2021 11:12:03

विद्यमान अध्यक्ष आणि उपाध्यक्ष दोन्ही पराभूत

सिंधुदुर्ग जिल्हा बँक निवडणूक : विद्यमान अध्यक्ष आणि उपाध्यक्ष दोन्ही पराभूत

31/12/2021 11:10:00

औद्योगिक संस्था मजूर संस्था जंगल कामगार संस्था मोटार वाहतूक संस्था मतदारसंघातून भाजपचे गजानन गावडे विजयी

औद्योगिक संस्था मजूर संस्था जंगल कामगार संस्था मोटार वाहतूक संस्था मतदारसंघ

गजानन गावडे (भाजप)- विजयी

लक्ष्मण आंगणे (महाविकास आघाडी)- पराभूत

31/12/2021 11:09:12

भाजप बहुमतापासून एक जागा दूर, महाविकास आघाडीला पाच तर भाजपला 9 जागा

सिंधुदुर्ग जिल्हा बँक निवडणूक :

महाविकास आघाडी - सहकार समृद्धी पॅनल - 5

भाजप - सिद्धिविनायक सहकार पॅनल - 9

31/12/2021 11:04:01

कायद्याखाली नोंदविलेल्या सभासद संस्था सर्व बिगर सहकारी संस्था व व्यक्ती सभासद मतदार संघात भाजपचे समीर सावंत विजयी

कायद्याखाली नोंदविलेल्या सभासद संस्था सर्व बिगर सहकारी संस्था व व्यक्ती सभासद मतदार संघ

विकास सावंत (महाविकास आघाडी)- पराभूत

समीर सावंत (भाजप)-विजयी

31/12/2021 10:56:46

सहकारी संस्था, नागरी पतपुरवठा संस्था, पगारदार नोकरांच्या संस्था मतदारसंघातून भाजपच्या राजन तेलींचा पराभव, सुशांत नाईक विजयी

सहकारी संस्था, नागरी पतपुरवठा संस्था, पगारदार नोकरांच्या संस्था मतदारसंघ

राजन तेली (भाजप)- पराभूत

सुशांत नाईक (महावि. आघा.)- विजयी

भाजप जिल्हाध्यक्ष राजन तेलींचा पराभव

सुशांत नाईक हे आमदार वैभव नाईक यांचे बंधू विजयी

भाजपला मोठा धक्का

31/12/2021 10:53:56

सहकारी पणन संस्था शेती प्रक्रिया संस्था व ग्राहक सहकारी संस्था मतदारसंघातून भाजपचे अतुल काळसेकर विजयी

31/12/2021 10:51:14

गेल्यावर्षी बिनविरोध आलेले सतिश सावंत पराभूत, सावंत यांच्या पराभवानंतर भाजपकडून घोषणाबाजी

गेल्यावर्षी बिनविरोध आलेले सतिश सावंत पराभूत, सावंत यांच्या पराभवानंतर भाजपकडून घोषणाबाजी; आता कसं वाटतंय गार गार वाटतंय अशा घोषणा

31/12/2021 10:47:49

सिंधुदुर्ग जिल्हा बँक निवडणूक : विद्यमान अध्यक्ष सतीश सावंत यांना धक्का, भाजपचे विठ्ठल देसाई विजयी, भाजपकडून जल्लोष

कणकवलीमधून सतीश सावंत आणि विठ्ठल देसाई या दोन्ही उमेदवारांना समान मतं. समसमान मतं पडल्यानंतर चिट्ठी टाकून आलेल्या निकालात सतीश सावंत पराभूत. सतीश सावंत हे जिल्हा बँकेचे विद्यमान चेअरमन होते.

31/12/2021 10:45:57

सिंधुदुर्ग जिल्हा बँक निवडणूक : कणकवलीमधून सतीश सावंत आणि विठ्ठल देसाई या दोन्ही उमेदवारांना समान मतं

31/12/2021 10:45:46

पहिल्या राऊंडमध्ये विकास सोसायटीच्या 8 जागांची मतमोजणी

महाविकास आघाडी - 4
भाजप - 4

31/12/2021 10:45:29

कुडाळमधून काँग्रेसचे विद्याप्रसाद बांडेकर विजयी

सिंधुदुर्ग जिल्हा बँक निवडणूक :

कुडाळ

विद्याप्रसाद बांडेकर - काँगेस - 20 मतं घेत विजयी

प्रकाश मोर्ये - भाजप - 15 पराभूत

शुभाष मडव - अपक्ष - 1 पराभूत

31/12/2021 10:45:15

सिंधुदुर्ग जिल्हा बँक निवडणूक : मालवणमधून महाविकास आघाडीचे उमेदवार व्हिक्टर डांटस विजयी तर दोडामार्गमधून शिवसेनेचे गणपत देसाई यांचा विजय

31/12/2021 10:44:59

सिंधुदुर्ग जिल्हा बँक निवडणूक निकाल; वैभववाडी गटातून भाजपचे दिलीप रावराणे यांचा विजय

31/12/2021 10:44:40

सिंधुदुर्ग जिल्हा बँक निवडणूक निकाल; सावंतवाडीतून शिवसेनेचे विद्याधर परब विजयी

#BREAKING सिंधुदुर्ग जिल्हा बँक निवडणूक निकाल; सावंतवाडीतून शिवसेनेचे विद्याधर परब विजयी #Sindhudurg #maharashtra @moreamol555 https://t.co/CpsmUcy0nA pic.twitter.com/oBfz2hgLyV

— ABP माझा (@abpmajhatv) December 31, 2021

31/12/2021 10:43:54

98.67 टक्के मतदारांनी मतदानाचा हक्क बजावला

गुरुवारी झालेल्या निवडणुकीत एकूण 981 पैकी तब्बल 968 मतदारांनी म्हणजे 98.67 टक्के मतदारांनी मतदानाचा हक्क बजावला. यामध्ये 115 महिला व 853 पुरुषांचा समावेश होता. कणकवली वगळता कुठेही गालबोट लागलं नाही. शांततेत मतदान प्रकिया पार पडली.

31/12/2021 10:43:44

आरोप-प्रत्यारोपांनी ही निवडणूक गाजली

आरोप-प्रत्यारोपांनी ही निवडणूक गाजली होती. त्यातच या निवडणूक प्रचारादरम्यान शिवसैनिक संतोष परब यांच्यावरील प्राणघातक हल्ल्या प्रकरणी भाजप आमदार नितेश राणे यांच्यावर आरोप झाले. त्यानंतर नितेश राणे अज्ञातवासात आहेत.

31/12/2021 10:43:34

सिंधुदुर्ग जिल्हा बँक संचालक मंडळाच्या पंचवार्षिक सार्वत्रिक निवडणुकीची आज मतमोजणी

Sindhudurg District Bank Election : संपूर्ण महाराष्ट्राचं लक्ष लागलेल्या सिंधुदुर्ग जिल्हा बँक संचालक मंडळाच्या पंचवार्षिक सार्वत्रिक निवडणुकीची आज मतमोजणी सुरु आहे. या निवडणुकीत केंद्रीय मंत्री नारायण राणे आणि भाजप महाविकास आघाडीला धक्का देणार की महाविकास आघाडीचे पॅनेल पुन्हा सत्ता ताब्यात ठेवणार याकडे लक्ष लागले आहे.

पार्श्वभूमी

Sindhudurg District Bank Election : संपूर्ण महाराष्ट्राचं लक्ष लागलेल्या सिंधुदुर्ग जिल्हा बँक संचालक मंडळाच्या पंचवार्षिक सार्वत्रिक निवडणुकीची आज मतमोजणी होणार. या निवडणुकीत केंद्रीय मंत्री नारायण राणे आणि भाजप महाविकास आघाडीला धक्का देणार की महाविकास आघाडीचे पॅनेल पुन्हा सत्ता ताब्यात ठेवणार याकडे लक्ष लागले आहे. आरोप-प्रत्यारोपांनी ही निवडणूक गाजली होती. त्यातच या निवडणूक प्रचारादरम्यान शिवसैनिक संतोष परब यांच्यावरील प्राणघातक हल्ल्या प्रकरणी भाजप आमदार नितेश राणे यांच्यावर आरोप झाले. त्यानंतर नितेश राणे अज्ञातवासात आहेत.

सिंधुदुर्ग जिल्हा बँक निवडणुकीत जिल्हा बँकेचे विद्यमान अध्यक्ष सतीश सावंत व भाजपचे जिल्हाध्यक्ष राजन तेली यांच्यासह एकूण 14 विद्यमान संचालक निवडणूक रिंगणात उभे आहेत. शिवसेना-राष्ट्रवादी, काँग्रेस या महाविकास आघाडीचे सहकार समृद्धी पॅनेल विरुद्ध भाजपचे सिद्धिविनायक सहकार पॅनेल यांच्यात चुरशीची लढत होत आहे. मतदारांचा कौल कुणाला? याची सर्वांनाच उत्सुकता लागून राहिली आहे.

आज, शुक्रवारी ओरोस येथे सकाळी 9 वाजल्यापासून मतमोजणी ओरोस येथे शिक्षक पतपेढी सभागृहात मतमोजणी होणार आहे.

एकूण तीन फेऱ्यांमध्ये मतमोजणी होणार असून, पहिल्या फेरीमध्ये विकास सोसायटीच्या 8 प्रतिनिधींची मतमोजणी दुसऱ्या फेरीमध्ये संलग्न सहकारी मतदार संघ आणि दोन महिला व तिसऱ्या फेरीमध्ये राखीव मतदारसंघाची मतमोजणी अशी एकूण तीन फेऱ्यांमध्ये मतमोजणी होणार आहे.

इतर महत्त्वाच्या बातम्या: