Amravati News अमरावती : अमरावतीतून (Amravati News) एक अपघाताची मोठी बातमी समोर आली आहे. यात अमरावती - नागपूर महामार्गावर शिवशाही बसचा भीषण अपघात झालाय. अमरावतीच्या नांदगाव पेठ टोल नाक्याजवळील रिलायन्स पेट्रोल पंप जवळ ही अपघाताची घटना घडलीय. यात 25 पेक्षा अधिक प्रवाशी जखमी झाले असल्याची माहिती पुढे आली आहे. तर त्यातील एका प्रवाश्यांचा मृत्यू झाल्याचेही सांगण्यात येतंय. या घटनेची माहिती मिळताच स्थानिक पोलिसांनी घटनास्थळी धाव घेत पुढील प्रक्रिया सुरू केली आहे. तर जखमी प्रवाश्यांना जवळच्या रुग्णालयात उपचारासाठी हलवण्यात आले आहे.
25 पेक्षा अधिक प्रवाशी जखमी, एकाच जागीच मृत्यू
हाती आलेल्या माहितीनुसार ही शिवशाही बस नागपूरवरून अकोलाकडे जात होती. दरम्यान, रस्त्यावर अचानक एक गाय आल्याने या गाईला वाचवण्याच्या प्रयत्नात बस चलकाचे बसवरील नियंत्रण सुटलं आणि बस पलटी झालीय. या बसमध्ये 25 पेक्षा अधिक प्रवाशी होते, ते जखमी झाले आसून एका प्रवाश्यांचा मृत्यू झाल्याचीही माहिती पुढे आली आहे. या अपघतामुळे काही काळ महामार्गावरील वाहतूक व्यवस्था विस्कळीत झाली होती. तर अमरावती नागपूर राष्ट्रीय महामार्गावर वाहनांच्या रांगा लागल्याचेही बघायला मिळाले आहे.
चिमूकल्याच्या गुप्तांगावर दिले गरम चाकूने चटके
वसईतील एका सावत्र आईनेच दोन लाहानग्यावर घरात अत्याचार केल्याची घटना उघड झाली आहे. यात घरातील भांडी घासणे, फरशी पुसणे, झाडू मारणे यासाठी सावत्र आईने दोन अल्पवयीन मुलावर लोखंडी पकडीने, पोळी लाटण्याच्या लाटण्याने मारहाण केल्याची संतापजनक घटना उजेडात आली आहे. धक्कादायक बाब म्हणजे यामध्ये एका 7 वर्षाच्या मुलाच्या गुप्तांगावर गरम चाकूने चटके दिल्याचा प्रकार देखील घडला आहे. ही घटना वडिलांना कळल्यावर वडीलांनीच सावत्र आई विरोधात वालीव पोलीस ठाण्यात गुन्हा दाखल केला आहे. त्यामुळे आता राज्यातील शाळेपाठोपाठ रहात्या घरात ही अल्पवयीन मुलं असुरक्षित असल्याचे वसईच्या वालीव येथील घटनेवरून समोरं आले आहे.
खासगी बालिका आश्रमात चिमुरडीला चटके
वसईच्या अत्याचार प्रकरणाप्रमाणेच भिवंडीत देखील असाच एक प्रकार उजेडात आला आहे. यात एका खासगी बालिका आश्रमात चिमुरडीला चटके दिल्याच्या धक्कादायक प्रकार समोर आलाय. खासगी बालिका आश्रमात चिमुरडीला चटके देऊन छळाचा प्रकार उघडकीस आलाय. शोभा आश्रम असे खाजगी बालिका आश्रमचे नाव आहे. पीडीतेच्या आजीच्या तक्रारीवरून भोईवाडा पोलीस ठाण्यात गुन्हा दाखल करण्यात आलाय.
इतर महत्वाच्या बातम्या