या दाम्पत्याचा घरी कुटुंबासोबत वाद झाला होता. 'आम्ही महाबळेश्वरला आत्महत्या करायला जात आहे,' असं नातेवाईकांना सांगत हे दाम्पत्य घराबाहेर पडलं. घाबरलेल्या नातेवाईकांनी पोलिसांना फोनवरुन याबाबत कळवलं. त्यानंतर पोलिसांनी महाबळेश्वर ट्रेकर्सलाही याची माहिती दिली.
महाबळेश्वर ट्रेकर्स ग्रुपने त्यांच्या ट्रेकर्सना विविध पॉईंटवर पाठवलं. आर्थर सीट पॉईंटवर आत्महत्या करायला आलेल्या या दोघांची ट्रेकर्सनी फोटोच्या साहाय्याने ओळख पटवली. ट्रेकर्स वेळीच या पॉईंटवर पोहोचल्याने त्यांनी पती-पत्नीला आत्महत्या करण्यापासून थांबवलं. त्यानंतर दोघांना पोलिसांच्या ताब्यात दिलं.