मुंबई: राममंदिराच्या (Ram Mandir) उद्घाटन सोहळ्याचं निमंत्रण हा सध्या चर्चेचा आणि वादाचा विषय बनला आहे. यावरुन शिवसेना ठाकरे गटाचे खासदार संजय राऊत (Sanjay Raut) यांनी भाजपवर (BJP) टीका केली आहे. राममंदिराचं निमंत्रण हा एका पक्षाचा विषय झालाय. हा कार्यक्रम रामलल्लासाठी नाही, तो भाजपचा कार्यक्रम आहे, असं राऊत म्हणाले. तसंच आम्ही किंवा शरद पवार (Sharad Pawar) निमंत्रणाची वाट पाहणार नाही, असंही राऊतांनी सांगितलं
संजय राऊत म्हणाले, राम मंदिराचं निमंत्रण कुणाला मिळालंय माहिती नाही परंतु हा एक पार्टीचा विषय झाला आहे. राममंदिराचं उद्घाटन हा भाजपचा कार्यक्रम आहे. रामलल्लासाठी हा कार्यक्रम नाही. संपूर्ण देशाला निमंत्रण द्यायचं असते. देव स्वतः त्यांच्या भक्ताला बोलवत असतो आणि भक्त जात असतात. आमचं श्रीरामाशी वेगळं नातं आहे. भाजपला जे करायचं ते करू द्या. आम्ही इथे किंवा शरद पवार निमंत्रणाची वाट पाहणार नाही.
प्रभू श्रीरामाचे अपहरण झाले आहे : राऊत
संपूर्ण देशात नेत्यांना प्रश्न विचारला जातोय तुम्हाला निमंत्रण आलं का? हा भाजपचा कार्यक्रम आहे. राम मंदिर उत्सव नाही, यूपीमध्ये आणि दिल्लीत भाजप सरकार आहे. मला वाटतं प्रभू श्रीरामाचे अपहरण केलं आहे. भाजपचा कार्यक्रम झाला की आम्ही प्रभू रामचंद्राच्या दर्शनाला जाऊ. आम्हाला आमंत्रणाची गरज नाही आम्ही स्वतःच दर्शनाला जाणार आहे. हा भाजपचा कार्यक्रम आहे त्यांना तो करू द्या, असे देखील संजय राऊत म्हणाले.
संजय राऊतांची पंतप्रधान मोदींवर टीका
भारतीय संसदेचं उद्घाटन झालं तेव्हा हाच प्रकार झाला, हे सर्व राजकीय कार्यक्रम सुरु आहेत. देशासाठी ज्यांचं काहीच योगदान नाही त्यांनी संसदेचं उद्घाटन केलं. अयोध्येसाठी त्यांचं काहीच योगदान नाही ते राम मंदिर उत्सव करत आहेत, अशी टीका देखील संजय राऊतांनी केली आहे.
देशात सत्याची कास धरायची असेल तर राहुल गांधींसारख्यांना न्याय यात्रा काढणं गरजेचं : राऊत
संजय राऊत म्हणाले, राज्यात एफडीआय ही चांगली गोष्ट आहे. फक्त ते कुणामुळे वाढले आहे हे देखील पाहिजे. भाजपनं सगळं निवडणुकांवर लक्ष ठेवून सगळं केलं आहे. देशात सत्याची कास धरायची असेल तर राहुल गांधींसारख्यांना न्याय यात्रा काढणं गरजेचं आहे. या देशात संविधान सत्य न्याय वाचवण्याची गरज आहे. त्यामुळे भारत न्याय यात्रा काढणं गरजेचं आहे. राहुल गांधी निघाले आहेत आणि जनता त्यांच्यासोबत आहे.
हे ही वाचा :