सामाजिक कार्यकर्ते आयुब पटेल यांनी ही पोस्ट टाकली आहे. आयुक्तांसह महापालिकेतील कर्मचाऱ्यांनाही श्रद्धांजली वाहण्याची ही पोस्ट आहे. "आयुक्त यांना श्रद्धांजली वाहणेसाठी सर्वांनी आज 4 वाजता यावे, तसेच वॉर्ड क्रमांक 12 मधील सर्व स्वच्छता कर्मचारी यांचे निधन झाले आहे. त्यांना भावपूर्ण श्रद्धांजली अशा आशयाचा मजकूर आयुब पटेल यांनी सोशल मीडियावर व्हायरल केला आहे.
या संपुर्ण प्रकारामुळे सांगली महापालिकेच्या कर्मचाऱ्यांनी संताप व्यक्त केला आहे. पोस्ट टाकणाऱ्या आयुब पटेल यांच्यावर कारवाईसाठी महापालिका अधिकारी कर्मचारी यांनी रात्री उशिरा शहर पोलिसात धाव घेतली आणि तक्रार दिली आहे. मध्यरात्रीपर्यंत मनपा अधिकारी कर्मचारी यांनी पोलीस ठाण्यातच ठिय्या मांडला होता.
पोस्टच्या निषेधार्थ सांगली महापालिका कर्मचार्यांनी कामबंद आंदोलन केले असून शहरातील सर्व स्वच्छता कर्मचारी सकाळपासून आंदोलनात सहभागी झाले आहेत. याबाबत शहर पोलिसात महापालिकेच्या वतीने उपायुक्त स्मृती पाटील यांनी फिर्याद दिली आहे.