नांदेडमधील नायगाव तालुक्यातील मांजरम गावात ही घटना घडली. दिवटे कुटुंबातील तिघे जण तवेरा गाडीने प्रवास करत होते. त्यावेळी गाडी ओढ्यात पडून वाहून गेली.
सोमवारी रात्री दहा वाजताच्या सुमारास ही घटना घडली, मात्र हा अपघात नेमका कसा घडला, हे अद्याप समजू शकलेलं नाही. गावकऱ्यांच्या मदतीने रात्रीच गाडी आणि त्यातील तिघांचे मृतदेह बाहेर काढण्यात आले.
45 वर्षीय बाबूशा दिवटे, 40 वर्षीय पारुबाई दिवटे आणि पाच वर्षांच्या अनुसया दिवटे यांचा अपघातात मृत्यू झाला. तिघेही मयत नायगाव तालुक्यातील बरबडा गावचे रहिवाशी होते.