नागपुरात मुसळधार पावसाचा इशारा, शाळा-कॉलेजेसना सुट्टी
एबीपी माझा वेब टीम | 07 Jul 2018 08:45 AM (IST)
नागपुरात पुढील दोन दिवस मुसळधार पाऊस पडण्याचा इशारा हवामान खात्यानं दिला आहे.
नागपूर : विदर्भात कालपासून मुसळधार पाऊस बरसत आहे. त्यामुळे नागपुरातील शाळा आणि महाविद्यालयांना आज सुट्टी जाहीर करण्यात आली आहे. पुढील दोन दिवस हवामान खात्यानं मुसळधार पावसाचा इशारा दिला आहे. रात्री पावसानं विश्रांती घेतली होती, तर सकाळी पावसाच्या हलक्या सरी येत आहेत. नागपुरात नऊ तासात 265 मिमी इतक्या विक्रमी पावसाची नोंद झाली. सकाळी 8.30 ते संध्याकाळी 5.30 या वेळेतील पावसाची आकडेवारी आहे. याआधी 1994 साली 304 मिमी पावसाची नोंद झाली होती.