या चोरट्यांनी चार पोत्यांमध्ये भरून 50 किलो केस चोरले आहेत. नागपुरातील विनोद शिंदे यांचा केस खरेदी विक्रीचा व्यवसाय आहे. गणेशपेठ परिसरात त्यांचे त्यांचे दुकान असून तिथून ते हे केस विग तयार करण्यासाठी तसेच अमिनो एसिड तयार करणाऱ्या कारखान्याला विकतात. विशाल गायकवाड आणि विशाल रॉय या दोन चोरट्यांनी त्यांच्या दुकानातून 4 पोते भरून डोक्यावरील केसं चोरले आहेत. तशी तक्रार शिंदे यांनी दिली आहे. केसांसोबतच 70 हजारांची रोकडही चोरली असल्याचे तक्रारीत म्हटले आहे.
विशाल गायकवाड आणि विशाल रॉय हे चोर ही चोरी करताना आणि पोत्यांमध्ये चोरलेले सामान घेवून जात असताना सीसीटीव्हीत चित्रीत झाले आहेत. तक्रारीनंतर पोलिसांनी चोरांना अटक केली आहे. विशेष म्हणजे चोरट्यांनी चोरलेले हे डोक्यावरील केस हे मेन्स कटिंग सलूनमधील कापलेले केसं नसून ते महिलांनी केस विंचरताना गळणारे केसं आहेत. त्यामुळे या केसांची किंमत सुमारे 4 ते 5 हजार रुपये प्रती किलोपर्यंत असते. म्हणूनच चोर या केसांच्या चोरीच्या मागे लागले होते. या चोरीच्या प्रकरणानंतर नागपुरात चर्चेचा बनला आहे.
दरम्यान आरोपींना पोलिसांनी अटक केली असून त्यांच्याकडून केस जप्त करण्यात आले आहेत. महिलांच्या केसांना किंमत असल्याने ह्या केसांची चोरी झाली असल्याचे पोलिसांनी सांगितले आहे.