बँका जुन्या नोटा बदलून देताना 2000 रूपयांची नोट देत आहेत. त्याचे सुट्टे पैसे मिळत नसल्याने नागरिकांची मोठी गैरसोय होत आहे. किमान दारीद्र्य रेषेखालील लोकांना नोटा बदलून देताना 10, 20, 50, 100 अशा स्वरूपात नोटा बदलून द्याव्यात, असं याचिकेत म्हटलं आहे.
सर्व सरकारी, निम सरकारी विभागात गरिबांसाठी सुट्या पैशांची व्यवस्था करावी. राज्य सरकारने किमान काही दिवस दारीद्र्य रेषेखालील लोकांसाठी मोफत जेवणाची व्यवस्था करावी, अशी मागणी याचिकाकर्त्याने केली आहे.