बंगळूर एक्स्प्रेसला घाटनांदूर येथे थांबा मिळावा, अशी गेल्या अनेक वर्षांपासूनची जनतेची मागणी होती. पालकमंत्री पंकजा मुंडे व खा. डॉ. प्रितम मुंडे यांच्यामुळे ही मागणी पूर्ण झाली. या भगिनींनी घाटनांदूर रेल्वे स्थानकात हिरवा झेंडा दाखवून रेल्वेचे स्वागत केले. त्यानंतर ग्रामस्थांनी आयोजित केलेल्या कृतज्ञता सोहळ्यात त्या बोलत होत्या.
पहिल्याच चेंडूवर विकेट घेणार म्हणणारे मुंडे शून्यावर बाद
काही दिवसांपूर्वी परळीत धनंजय मुंडेच्या नाथ प्रतिष्ठानकडून क्रिकेट स्पर्धेचे आयोजन करण्यात आले होते. त्यावेळी धनंजय मुंडे ओपनिंगला मैदानात उतरले होते. मात्र शून्यावर बाद होऊन त्यांना परतावे लागले होते. यावेळी बोलताना आपण पहिल्या बॉललाच विकेट घेणार असे म्हटले होते.
पंकजा मुंडे म्हणाल्या, मुंडे साहेबांचं आजही नाव निघाले तर देशातले अख्खे राजकारण ढवळून निघते. त्यामुळे साहेबांच्या नावाचे राजकारण करणाऱ्यांच्या मागे जायचे नाही तर मुंडे साहेबांचे नाव जिवंत ठेवणाऱ्यांच्या मागे उभे राहा, असे आवाहन यावेळी पंकजा मुंडे यांनी केले.
एकेकाळी ज्या जिल्ह्यांमध्ये 6 आमदारांपैकी पाच आमदार राष्ट्रवादी काँग्रेसचे होते. जिल्हा परिषदेमध्ये राष्ट्रवादीची सत्ता होती, तरी जिल्ह्यात कोणताही विकासाचे काम झाले नाही, असे मुंडे म्हणाल्या. आम्ही विकासाचे काम करतो आणि आमच्या भावांना मात्र तोडपाणी करण्याचे काम असते, असे म्हणून धनंजय मुंडे हे तोडपाणी करणारे नेते आहेत, असेही पंकजा मुंडे या कार्यक्रमात म्हणाल्या.