गोंदिया : चिमुकलीवर अत्याचार केल्याप्रकरणी तब्बल 26 वर्षांपासून फरार असलेल्या आरोपीला पकडण्यात पोलिसांना यश आलं आहे. गोंदियाच्या गंगाझरी गावात 26 वर्षांपूर्वी एका 9 वर्षीय चिमुकलीवर अत्याचार झाले होते.
गेल्या 26 वर्षांपासून फरार असलेल्या 55 वर्षीय नराधमाला पोलिसांनी अटक केली आहे. गोंदियाच्या गंगाझरी पोलिसांनी नाशिक जिल्ह्यात ही कारवाई केली.
आरोपी नाशिकमध्ये एका हॉटेलात आचाऱ्याचं काम करत होता. मागील 26 वर्षांपासून पोलिस फरार आरोपीचा शोध घेत होते. पीडितेवर अत्याचार केले त्यावेळी आरोपी 30 वर्षांचा होता.