Maharashtra Weather News : सध्या पावसासाठी पोषक वातावरण (Weather) तयार होत आहे. केरळमध्ये (Keral) मान्सून (Monsoon) दाखल झाला आहे. दरम्यान, केरळमध्ये जरी मान्सून दाखल झाला असला तरी महाराष्ट्रात (Maharashtra) कधी मान्सूनचे आगमन होणार असा प्रश्न विचारला जात आहे. दरम्यान, हवामान विभागानं (IMD) दिलेल्या माहितीनुसार, येत्या 2 ते 3 दिवसात मान्सून कर्नाटकात पोहोचण्याचा अंदाज वर्तवण्यात आला आहे. तर 7 ते 8 जुनपर्यंत मान्सून राज्याच्या प्रवेशद्वार असलेल्या सिंधुदुर्गात (Sindhudurg) दाखल होण्याचा अंदाज हवामान खात्यानं वर्तवला आहे.
सिंधुदुर्गमध्ये 2 ते 4 जून दरम्यान वादळी वाऱ्यासह जोरदार पावसाची शक्यता
हवामान विभागानं दिलेल्या माहितीनुसार, सिंधुदुर्गमध्ये 2 ते 4 जून दरम्यान वादळी वारे, गडगडाटासह जोरदार पावसाची शक्यता हवामान खात्याने वर्तवली आहे. त्यामुळं प्रशासनाने जिल्ह्यात यलो अलर्ट जारी केला आहे. तसेच या काळात ताशी 40 ते 50 किमी वेगाने वारे वाहणार आहेत. मान्सूनच्या वाटचालीसाठी पोषक स्थिती आहे. त्यामुळं येत्या 2 ते 3 दिवसात तो कर्नाटकात पोहोचण्याचा अंदाज आहे. तर 7 ते 8 जुनपर्यंत मान्सून राज्याच्या प्रवेशद्वार असलेल्या सिंधुदुर्गात दाखल होण्याचा अंदाज हवामान विभागानं वर्तवला आहे.
राज्यात इतर ठिकाणी कसं असेल हवामान?
वर्तवलेल्या अंदाजाप्रमाणे जूनच्या सुरुवातीला मान्सूनपुर्व पाऊस राज्यात सक्रिय होईल. त्याप्रमाणे आज 2 जून दक्षिण पश्चिम महाराष्ट्र सोलापूर सांगली धाराशिव लातूर नांदेड पाऊस वाढण्याची शक्यता आहे. तर 3/4/5 जूनला राज्यात मध्य महाराष्ट्र अहमदनगर नाशिक संभाजी नगर पुणे सातारा सांगली कोल्हापूर सोलापूर बीड परभणी जालना जोरदार मेघ गर्जनेसह पाऊस पडण्याची शक्यता आहे. 6/7/8 जूनला अरबी समुद्रात देखील एक प्रणाली सक्रिय होईल. तसेच 17/18 जून च्या जवळपास देखिल प्रणाली तयार होणार आहे.
उत्तर महाराष्ट्रात पावसाची शक्यता
उत्तर महाराष्ट्रातील धुळे, नंदुरबार, जळगाव, नाशिक, छत्रपती संभाजीनगर अहमदनगर काही भागात पुढील दोन तीन दिवस गडगडाटी पाऊस अधून मधून होईल. तसेच 3/4 जून पासून मान्सून पुर्व पाऊस सरू होईल. तर 6/7/8 जूननंतर देखिल पाऊस सक्रिय राहण्याचा अंदाज आहे.
कोकणात काय स्थिती राहणार?
सिंधुदुर्ग रायगड रत्नागिरी ठाणे मुंबई पालघर काही भागात तीन दिवस ढगाळ वातावरण राहण्याचा अंदाज वर्तवण्यात आला आहे.
मध्य महाराष्ट्रात तापमानत घट होणार, जोरदार पाऊस पडणार
मध्य महाराष्ट्रात आजपासून पुढील दोन दिवस पुणे अहमदनगर दक्षिण सातारा कोल्हापूर सोलापूर सांगली स्थानिक मान्सून पुर्व पाऊस होईल. दिवसाचे तापमानात घट होईल. तसेच 2/3 जूनपासून जोरदार वादळी पाऊस होईल. 5/ 6 /7/8 जूननंतर देखील पाऊस राहण्याची शक्यता वर्तवण्यात आली आहे.
मराठवाडा वळिवाच्या पावसाची शक्यता
आज मराठवाड्यातील लातूर नांदेड हिंगोली बीड धराशिव जालना बीड परभणी या भागात स्थानिक मान्सून पुर्व वळिव पावसाची शक्यता आहे. 2 जून ते 8 जून अनेक भागात पाऊस सक्रिय होण्याची शक्यता आहे.
महत्वाच्या बातम्या: