Weather Update: देशभरात सध्या हवामान वेगाने बदलताना दिसतंय . दक्षिण भारतात केरळ आणि तमिळनाडू राज्यांमध्ये बहुतांश ठिकाणी मुसळधार पावसाची शक्यता आहे .तर उत्तर मध्य भारतात हवेतील गारवा चांगलाच वाढतोय . राज्यात आता कडाक्याचा थंडीला सुरुवात झाली आहे . तापमानाचा पारा झपझप खाली येताना दिसतोय . हिमालयात चार दिवसांपूर्वी झालेल्या बर्फदृष्टीमुळे उत्तर महाराष्ट्रात सह मराठवाडा विदर्भात तापमान घसरले आहे . प्रादेशिक हवामान केंद्राने दिलेल्या माहितीनुसार राज्यात पुढील चार दिवस किमान तापमान कमालीचे घसरणार आहे . बहुतांश ठिकाणी कडाक्याची थंडी जाणवेल . (Temperature Down)
पावसाचे चार महिने संपल्यानंतर बंगालच्या उपसागरात तयार झालेलं मोंथा चक्रीवादळ त्यानंतर अरबी समुद्रातील कमी दाबाचा पट्ट्यामुळे मुंबई व राज्यभरात पाऊस सुरू होता . परतीच्या पावसाला झालेला विलंब, अतिवृष्टी, पूर परिस्थिती या सगळ्या घडामोडींमुळे यंदा हिवाळा थोडा उशिरा सुरू झाला आहे .
विदर्भ गारठला, मराठवाड्यात काय स्थिती?
गेल्या तीन ते चार दिवसांपासून विदर्भात किमान तापमानाचा पारा वेगाने घसरत आहे . गेल्या 24 तासात 2 ते 3 अंशांनी तापमान घसरले असून गोंदिया जिल्ह्यात 10.5 अंश तापमान नोंदवण्यात आलं आहे . जळगाव जिल्ह्यात सर्वात कमी तापमानाची नोंद झाली असून 9.2 अंश सेल्सियसवर पारा गेलाय . मराठवाड्यातही बहुतांश ठिकाणी 15 अंशाखाली गेलाय . आज कुठे किती तापमान होतं पाहूया .
अहमदनगर – 11.4°C
छत्रपती संभाजीनगर – 12.4°C
बीड – 11.4°C
दहानू – 17.4°C
हरनाई – 21.6°C
जळगाव – 9.2°C
जिऊर (जिउर/जुर) – 10.5°C
कोल्हापूर – 16.9°C
महाबळेश्वर – 12.5°C
मालेगाव – 11.2°C
मुंबई (सांताक्रूझ) – 19.8°C
नाशिक – 10.7°C
धाराशिव – 14.0°C
परभणी – 13.5°C
रत्नागिरी – 18.4°C
सांगली – 15.1°C
सातारा – 13.5°C
सोलापूर – 16.4°C
उदगीर – 14.0°C
महाराष्ट्रात किमान तापमान का घटलंय ?
उत्तर भारतातून दक्षिण भारताकडे वाहणाऱ्या शीत लहरींमुळे येत्या शुक्रवार पर्यंत किमान तापमानाचा पारा खाली राहण्याची शक्यता असल्याचं प्रादेशिक हवामान केंद्राने सांगितलं .
- हिमालयात चार दिवसांपूर्वी झालेल्या बर्फदृष्टीमुळे उत्तर महाराष्ट्र आणि मुंबई सोबत लगतच्या परिसरात तापमान कमी झाले आहे .
- दुसरीकडे मध्य प्रदेश, हरियाणा, चंदीगड, दिल्ली ,उत्तर प्रदेश या भागात थंडीची लाट राहणार असल्याची शक्यता वर्तवण्यात आली आहे .