Maharashtra News LIVE Updates 15th March : देश-विदेशातील महत्त्वाच्या बातम्या फक्त एका क्लिकवर...

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...

पार्श्वभूमी

Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये......More

15/03/2024 14:14:38

Irrigation Department Bharati : मृद व जलसंधारण विभागाच्या 670 पदाची भरती प्रक्रिया रद्द, मंत्री संजय राठोड यांचे आदेश

महाराष्ट्र राज्य शासनाच्या मृद आणि जलसंधारण विभागाच्या वतीने विविध पदांसाठी घेण्यात आलेले 670 पदाची भरती प्रक्रिया रद्द करण्यात आली आहे. अमरावतीच्या ड्रीमलँड परीक्षा केंद्रावर 20 आणि 21 फेब्रुवारीला विविध पदांसाठी परीक्षा घेण्यात आली होती. यावेळी परीक्षा केंद्रावर पेपर फुटल्याच्या घटनेने एकच गोंधळ उडाला होता.परिणामी विद्यार्थ्यांचे नुकसान होऊ नये, तसेच परीक्षेबाबत विश्वासहर्ता कायम राहावी या उद्देशाने ही परीक्षा रद्द करण्याचा निर्णय घेण्यात आला आहे. या बाबत राज्याचे मंत्री संजय राठोड  यांनी संबंधित विभागाला आदेश दिले असल्याची माहिती समोर आली आहे.

15/03/2024 14:13:13

मोठी बातमी! मृद व जलसंधारण विभागाच्या 670 पदाची भरती प्रक्रिया रद्द; मंत्री संजय राठोड यांचे आदेश

Amravati News: महाराष्ट्र राज्य शासनाच्या मृद आणि जलसंधारण विभागाच्या वतीने विविध पदांसाठी घेण्यात आलेले 670 पदाची भरती प्रक्रिया रद्द करण्यात आली आहे. अमरावतीच्या (Amravati News ) ड्रीमलँड परीक्षा केंद्रावर 20 आणि 21 फेब्रुवारीला विविध पदांसाठी परीक्षा घेण्यात आली होती. यावेळी परीक्षा केंद्रावर पेपर फुटल्याच्या घटनेने एकच गोंधळ उडाला होता. परिणामी विद्यार्थ्यांचे नुकसान होऊ नये, तसेच परीक्षेबाबत विश्वासहर्ता कायम राहावी या उद्देशाने ही परीक्षा रद्द करण्याचा निर्णय घेण्यात आला आहे. या बाबत राज्याचे मंत्री संजय राठोड (Sanjay Rathod) यांनी संबंधित विभागाला आदेश दिले असल्याची माहिती समोर आली आहे.

15/03/2024 14:00:25

नाशिक लोकसभा जागेवरून भुजबळांचा श्रीकांत शिंदेना सवाल

भाजपकडून हेमंत गोडसेंना विरोध होणे स्वाभाविक आहे.  श्रीकांत शिंदेना उमेदवार जाहीर करण्याचा अधिकार नसून युतीत सगळ्यांनी थोडीशी शिस्त पाळली पाहिजे. उमेदवाराबाबत निकाल होत नाही तोपर्यंत नाव जाहीर केलेच कसे? असा सवालही छगन भुजबळांनी उपस्थित केला आहे. 

15/03/2024 11:43:26

BJP Meeting : आज प्रदेश भाजपची बैठक, आगामी लोकसभा निवडणुकांबाबत चर्चा

BJP Meeting : महाराष्ट्रातील भाजपच्या 20 लोकसभा उमेदवारांची यादी जाहीर झाल्यानंतर राज्यातील निवडणूक समिती ॲक्शन बरोबर आली आहे. आज प्रदेश भाजपची एक महत्त्वपूर्ण बैठक मुंबईतील मुख्यालयात पार पडत असून या बैठकीत लोकसभा निवडणुकीच्या अनुषंगाने महत्वपूर्ण निर्णय ठरवली जाणार आहे. भाजपने लोकसभेसाठी मुख्यत्वे बूथ रचनेवर लक्ष दिले असून या बैठकीत 51 टक्के मतदानाच्या दृष्टीने रणनिती आखली जाणार आहे.

15/03/2024 11:42:17

Maharashtra Politics : काँग्रेस पक्षाचे महासचिव के सी वेणू गोपाल संध्याकाळी चार वाजता शरद पवारांची भेट घेणार

Maharashtra Politics : काँग्रेस पक्षाचे महासचिव के सी वेणू गोपाल संध्याकाळी चार वाजता शरद पवारांची भेट घेणार

वाय बी चव्हाण सेंटर इथे संध्याकाळी चार वाजता भेट

शरद पवार यांच्यासोबत बैठक पार पडल्यानंतर संध्याकाळी सात वाजता महाविकास आघाडीची बैठक पार पडणार

महाविकास आघाडीचे जागावाटप आज निश्चित होणार का याकडे राजकीय वर्तुळाचे लक्ष

15/03/2024 10:49:49

Mahayuti Seat Sharing Formula : 42 जागांवर महायुतीचा फॉर्म्युला जवळपास निश्चित, भाजप 25 जागा लढणार, तर शिंदे-दादांच्या जागाही निश्चित

राज्यातील महायुतीच्या 42 जागांचा तिढा सुटला असून 6 जागांवर अजूनही चर्चा सुरू आहे. त्यापैकी 25 जागा भाजप लढणार असून, एकनाथ शिंदे यांना 11 तर अजित पवार यांना 7 जागा लढणार आहेत

15/03/2024 07:58:44

Sangli : सांगलीच्या खानापूर गावात हैदोस घालणाऱ्या माकडांच्या टोळ्यांना नगरपंचायतीकडून पकडण्याची मोहीम

सांगलीच्या खानापूरमध्ये नगरपंचायतीकडून माकड पकडण्याची मोहीम हाती घेण्यात आली आहे. गेल्या काही दिवसापासून शहरामध्ये माकडांनी हैदोस घातला आहे. नागरिकांच्या घरांच्या छताचे नुकसान करण्याबरोबर शेतीचीदेखील मोठ्या प्रमाणात माकडांच्या टोळीकडून नासधूस करण्यात येत आहे. त्याचबरोबर येणाऱ्या जाणाऱ्या लहान मुलांपासून वयोवृद्धांंपर्यंत सगळ्यांना माकडांच्या त्रासाला सामोरे जावे लागत होते.

 

त्यामुळे ग्रामपंचायतीकडून माकडांचा बंदोबस्त करण्यात यावा अशी मागणी वनविभागाकडे वारंवार करण्यात आली होती. मात्र त्याकडे दुर्लक्ष होत असल्याने खानापूर नगरपंचायतीने माकड पकडण्याचा ठराव करून गावातील विविध भागात उच्छाद मांडलेल्या माकडांना जेरबंद करण्यात येत आहे. यासाठी प्रशिक्षित माकड पकडणाऱ्या पथकाला देखील पाचारण करण्यात आले आहे. त्यामुळे खानापूरच्या नागरिकांनी सुटकेचा निश्वास सोडला आहे.

15/03/2024 06:53:06

Dhule Police Training Centre : धुळे पोलीस ट्रेनिंग सेंटरमध्ये 150 प्रशिक्षणार्थींना अन्नातून विषबाधा, उपचारासाठी रुग्णालयात दाखल

धुळे पोलीस ट्रेनिंग सेंटर येथील सुमारे 100 ते 150 प्रशिक्षणार्थींना अन्नातून विषबाधा झाली असून  रात्रीच्या जेवणातून ही विषबाधा झाली आहे. रात्रीचे जेवण झाल्यावर या प्रशिक्षणार्थीनां त्रास जाणवू लागल्यावर त्यांना ताबडतोड धुळे शहरातील भाऊसाहेब हिरे शासकीय वैद्यकीय महाविद्यालयात उपचारासाठी दाखल करण्यात आले आहे. सध्या त्यांच्यावर उपचार सुरू असून सर्व प्रशिक्षणार्थींची प्रकृती स्थिर असल्याचं सांगण्यात आलं आहे.